കുട്ടികളുടെ സർഗാത്മകതയും കഴിവുകളും പ്രോത്സാഹിപ്പിക്കുന്നതിനായി യുവധാര വെൽഫെയർ അസോസിയേഷൻ്റെ ആഭിമുഖ്യത്തിൽ ശിശുദിനാഘോഷം സംഘടിപ്പിക്കുന്നു. നവംബർ 15 ഞായറാഴ്ച രാവിലെ 9.30 മുതൽ ഉച്ചയ്ക്ക് 12 വരെ വാടിക ലേഔട്ടിലെ അസോസിയേഷൻ എക്സിക്യൂട്ടീവ് അംഗം സന്തോഷ് കുമാറിൻ്റെ വസതിയിലാണ് പരിപാടി നടക്കുക.
ആഘോഷത്തിൻ്റെ ഭാഗമായി കുട്ടികൾക്കായി കഥാരചന, ചിത്രരചന, കളറിംഗ്, ഉപന്യാസരചന, കവിതാരചന തുടങ്ങിയ മത്സരങ്ങൾ സംഘടിപ്പിക്കും. അഞ്ച് മുതൽ 15 വയസ്സുവരെയുള്ള കുട്ടികൾക്കാണ് മത്സരങ്ങളിൽ പങ്കെടുക്കാൻ അവസരം.
കുട്ടികളുടെ സർഗശേഷി വളർത്തുന്നതിനും അവരുടെ കലാപരവും സാഹിത്യപരവുമായ കഴിവുകൾ പ്രകടിപ്പിക്കുന്നതിനും വേദിയൊരുക്കുകയാണ് പരിപാടിയുടെ ലക്ഷ്യമെന്ന് സംഘാടകർ അറിയിച്ചു. എല്ലാ കുട്ടികളെയും ശിശുദിനാഘോഷത്തിലേക്ക് സ്നേഹപൂർവം സ്വാഗതം ചെയ്യുന്നതായും അസോസിയേഷൻ ഭാരവാഹികൾ അറിയിച്ചു.
കൂടുതൽ വിവരങ്ങൾക്ക് 9986623707.
