ഇൻസ്റ്റഗ്രാം പോസ്റ്റിനെ ചൊല്ലിയുണ്ടായ തർക്കത്തെ തുടർന്ന് കൗമാരക്കാരനെ കൊലപ്പെടുത്തി. അഹമ്മദാബാദിലാണ് സംഭവം. മൂന്ന് യുവാക്കളെ പോലീസ് അറസ്റ്റ് ചെയ്‌തു. മുഹമ്മദ് സാലിക് ഇംതിയാസ് ഹുസൈൻ ഷെയ്ഖ്(19) ആണ് കൊല്ലപ്പെട്ടത്. സംഭവത്തിൽ ജുഹാപുര നിവാസികളായ റെഹാൻ (20), ഫൈസൽ പത്താൻ (22), ഫൈസാൻ പത്താൻ (20) എന്നിവരെയാണ് പോലീസ് അറസ്റ്റ് ചെയ്‍തത്. തർക്കത്തിനിടെ കാസിബ് സയ്യിദ് എന്നയാൾക്കാണ് പരിക്കേൽക്കുകയും ചെയ്‌തിട്ടുണ്ട്‌.
ഒരു പഴയ ഇൻസ്റ്റഗ്രാം പോസ്റ്റിനെ ചൊല്ലിയാണ് വഴക്കുണ്ടായതെന്നു വെജൽപൂർ പോലീസ് സ്റ്റേഷനിലെ ഇൻസ്പെക്ടർ ആർ.എം. ചൗഹാൻ അറിയിച്ചു. സംഭവത്തിൽ കൂടുതൽ അന്വേഷണം നടക്കുകയാണ്.
