ആക്സിയം 4 ദൗത്യം മാറ്റിവെച്ചു; ശുഭാൻഷു ശുക്ലയുടെ ബഹിരാകാശ യാത്ര വൈകും

ഇന്ത്യക്കാരനടക്കമുള്ള ബഹിരാകാശ യാത്രികരെ അന്താരാഷ്ട്ര ബഹിരാകാശ നിലയത്തിലേക്ക് എത്തിക്കാനുള്ള ആക്സിയം 4 ദൗത്യം മാറ്റിവെച്ചു. ജൂൺ 10 ന് നിശ്ചയിച്ചിരുന്ന ദൗത്യം 11ലേക്കാണ് മാറ്റിവെച്ചത്. ഇന്ത്യൻ ബഹിരാകാശ ഏജൻസിയായ ഐഎസ്ആ‍ർഒയാണ് ഇക്കാര്യം അറിയിച്ചത്. വിക്ഷേപണ തീയതി മാറ്റിവെച്ചത് മോശം കാലാവസ്ഥ മൂലമാണ്. 11ന് ഇന്ത്യൻ സമയം വൈകിട്ട് അഞ്ചുമണിക്കാണ് വിക്ഷേപണം നടക്കുകയെന്നും ഐഎസ്ആ‍ർഒ അറിയിച്ചു. ഇന്ത്യൻ വ്യോമസേനയുടെ ഫൈറ്റർ പൈലറ്റായ ശുഭാൻഷു ശുക്ല ഉൾപ്പെട്ട സംഘമാണ് അമേരിക്കൻ സ്വകാര്യ ഏജൻസി നടത്തുന്ന ദൗത്യത്തിൻ്റെ ഭാഗമാകുന്നത്.