കെ.പി.ടി.സി.എൽ (KPTCL) നടത്തുന്ന അടിയന്തര സാങ്കേതിക അറ്റകുറ്റപ്പണികളുടെ ഭാഗമായി ഇന്ന് (ജൂലൈ 4) ബെംഗളൂരുവിലെ 20-ലധികം പ്രദേശങ്ങളിൽ രാവിലെ 11 മുതൽ വൈകിട്ട് 5 വരെ വൈദ്യുതി വിതരണം തടസ്സപ്പെടുമെന്ന് ബെസ്കോം (BESCOM) അറിയിച്ചു.
ശോഭ സിറ്റി സബ്‌സ്റ്റേഷൻ്റെ പരിധിയിലുള്ള പ്രദേശങ്ങളിലാണ് പ്രധാനമായും വൈദ്യുതി മുടങ്ങുക. ശോഭ സിറ്റി, ചൊക്കനഹള്ളി, നൂർ നഗർ, എക്‌സ്-സർവീസ്‌മെൻ ലേഔട്ട്, പോലീസ് ക്വാർട്ടേഴ്സ്, ആർ.കെ. ഹെഗ്‌ഡെ നഗർ, ശബരി നഗർ, ന്യൂ ശാന്തി നഗർ, കെംപെഗൗഡ ലേഔട്ട്, നാഗേനഹള്ളി ഗ്രാമം, റീജൻസി പാർക്ക്, ഈസ്റ്റർ ഹാർമണി ലേഔട്ട്, ബാലാജി ലേഔട്ട്, നാഗേനഹള്ളി ജിം പരിസരം, സ്ലം ബോർഡ് ഏരിയ, ബെഞ്ച് റോയൽ ലേഔട്ട്, തിരുമേനഹള്ളി ഗ്രാമം, മിട്ടഗനഹള്ളി, കോഗിലു ഗ്രാമം, ബെല്ലഹള്ളി, വിധാന സൗധ ലേഔട്ട്, കർണാടക കോളജ് പരിസരം എന്നിവിടങ്ങളിലാണ് വൈദ്യുതി വിതരണം തടസ്സപ്പെടുക.
അറ്റകുറ്റപ്പണികൾ പൂർത്തിയായ ഉടൻ വൈദ്യുതി വിതരണം പുനഃസ്ഥാപിക്കുമെന്ന് ബെസ്കോം അറിയിച്ചു. ബാധിത പ്രദേശങ്ങളിലെ താമസക്കാരും വ്യാപാര സ്ഥാപനങ്ങളും മുൻകരുതലുകൾ സ്വീകരിക്കണമെന്ന് അധികൃതർ നിർദേശിച്ചിട്ടുണ്ട്.
