നടൻ വിജയ്‌യെ വിമർശിച്ച് മദ്രാസ് ഹൈക്കോടതി

നടൻ സൂപ്പർസ്റ്റാർ വിജയ്‌യെ വിമർശിച്ച് മദ്രാസ് ഹൈക്കോടതി. തിരുച്ചിറപ്പള്ളിയിൽ നടന്ന യോഗത്തിൽ പൊതുമുതൽ നശിപ്പിച്ച സംഭവങ്ങളുടെ പശ്ചാത്തലത്തിലാണു കോടതിയുടെ വിമർശനം. നേതാക്കളാണ് സമ്മേളനങ്ങളും മറ്റും നടക്കുമ്പോൾ പ്രവർത്തകരെ നിയന്ത്രിക്കേണ്ടതെന്ന് കോടതി വ്യക്തമാക്കി.
പൊതുമുതൽ നശിപ്പിച്ച സംഭവത്തിൽ വേണ്ടിവന്നാൽ ഇടപെടുമെന്നും കോടതി വ്യക്തമാക്കി.
അനിഷ്ടസംഭവങ്ങൾ ഉണ്ടായാൽ ആര് ഉത്തരവാദിത്തമേറ്റെടുക്കുമെന്ന് കോടതി ചോദിച്ചു. എല്ലാ രാഷ്ട്രീയ പാർട്ടികൾക്കും ബാധകമായ ചട്ടങ്ങൾ രൂപീകരിക്കണമെന്നും പോലീസിനോട് കോടതി നിർദേശിച്ചു.