ബെംഗളൂരുവിൽ മലയാളി വിദ്യാർഥിനി കോളജ് കെട്ടിടത്തിനു മുകളിൽ നിന്ന് ചാടി ജീവനൊടുക്കി

ബെംഗളൂരുവിൽ മലയാളി വിദ്യാർഥിനി കോളജ് കെട്ടിടത്തിനു മുകളിൽനിന്ന് ചാടി ജീവനൊടുക്കി. കോഴിക്കോട് സ്വദേശിനിയായ ലക്ഷ്‌മി മിത്ര (21) ആണ് മരിച്ചത്. ബാംഗ്ലൂർ സൊലദേവനഹള്ളിയിലെ ആചാര്യ ഇൻസ്റ്റിറ്റ്യൂട്ടിൽ വെള്ളിയാഴ്ച ഉച്ചയ്ക്കായിരുന്നു സംഭവം. പെൺകുട്ടി കോളേജ് കെട്ടിടത്തിൻ്റെ നാലാം നിലയിൽ നിന്നാണ് താഴേക്ക് ചാടിയത്. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബിബിഎ ഏവിയേഷൻ വിദ്യാർഥിനിയായിരുന്നു ലക്ഷ്‌മി. സംഭവത്തിൽ പോലീസ് കേസെടുത്തു.