രാജ്യത്ത് ഇന്ധന വിലയിൽ വീണ്ടും വർധനവ്. ഡീസലിന് 2.71 രൂപയും പെട്രോളിന് ഇന്ന് 2.61രൂപയും വർ‌ധിച്ചു. രണ്ടാഴ്ചയ്ക്കിടെ നാല് തവണയായി എട്ട് രൂപയാണ് വർധിപ്പിച്ചത്. കഴിഞ്ഞ ദിവസം സിഎൻജിക്ക് ഒരു രൂപ വർധിപ്പിച്ചിരുന്നു. നിലവിൽ 90 രൂപയ്ക്കുമേൽ നൽകണം ഒരു കിലോ സിഎൻജിക്ക്. പുതിയ നിരക്കനുസരിച്ച് ഡൽഹിയിൽ പെട്രോൾ വില ലിറ്ററിന് 102.12 രൂപയും ഡീസൽ വില ലിറ്ററിന് 95. 20 രൂപയുമാണ്.കഴിഞ്ഞ ദിവസമാണ് പെട്രോളിന് 87 പൈസയും ഡീസലിന് 91 പൈസയും വര്‍ധിപ്പിച്ചത്.
തിരുവനന്തപുരത്ത് പെട്രോളിന് 115.32 രൂപയും ഡീസലിന് 104.41രൂപയുമാണ്.
ആഗോള വിപണയില്‍ എണ്ണ വില ഇടിഞ്ഞു. ബ്രെന്റ് ക്രൂഡ് ഓയിൽ വില ബാരലിന് 98.22 ഡോളറിലെത്തി. വിലയിൽ 5.1 ശതമാനത്തിൻ്റെ ഇടിവാണ് രേഖപ്പെടുത്തിയത്.
