മൈ​സൂ​രു റെ​യി​ല്‍വേ മ്യൂ​സി​യ​ത്തി​ല്‍ ഇ​ന്ന് പ്ര​വേ​ശ​നം സൗ​ജ​ന്യം

മൈസൂരു റെയിൽവേ മ്യൂസിയത്തിൽ ലോക പൈതൃക ദിനമായ ഏപ്രിൽ 18 ന് പൊതുജനങ്ങൾക്ക് സൗജന്യമായി പ്രവേശനം അനുവദിക്കുമെന്ന് ദക്ഷിണ പശ്ചിമ റെയിൽവേ വാർത്തക്കുറിപ്പിൽ അറിയിച്ചിട്ടുണ്ട് രാവിലെ 10 മുതൽ വൈകുന്നേരം 6 വരെയാണ് സന്ദർശക സമയം. പുതുതലമുറക്ക് സാംസ്കാരികവും ചരിത്രപരവുമായ പൈതൃക സംരക്ഷണത്തിൻ്റെ ആവശ്യകത മനസ്സിലാക്കി നൽകുകയാണ് പരിപാടിയുടെ ലക്ഷ്യം. പൈതൃക സംരക്ഷണം എന്ന വിഷയത്തിൽ ചിത്ര രചന, പോസ്റ്റർ നിർമ്മാണം എന്നീ മത്സരങ്ങളും പൊതുജനങ്ങൾക്കായി നടത്തും. പ്രായ വ്യത്യാസമനുസരിച്ച് 3 വിഭാഗങ്ങളിലാണ് മത്സരങ്ങൾ സംഘടിപ്പിക്കുക.