അങ്കവള്ളി ഗ്രാമത്തിനെ വിറപ്പിച്ച പുള്ളിപ്പുലിയെ പിടികൂടി

കർണാകയിലെ ഹാസനിലെ അങ്കവള്ളി ഗ്രാമത്തിനെ വിറപ്പിച്ച പുള്ളിപ്പുലിയെ വനംവകുപ്പ് ഉദ്യോഗസ്ഥർ പിടികൂടി. കഴിഞ്ഞ ദിവസമാണ് ഗ്രാമത്തിലെ ജനവാസ കേന്ദ്രത്തിൽ ആൺപുലി ഇറങ്ങിയത്. തുടർന്ന് ഒരു വീടിൻ്റെ പശുത്തൊഴുത്തിൽ ഒളിച്ച പുലിയെ പിടികൂടാൻ നാട്ടുകാർ ശ്രമിച്ചതോടെ നാഗരാജ്, നവീൻ, ജയമ്മ, വസന്തമ്മ, ശ്രേയസ് ഗൗഡ എന്നിവർക്ക് ഗുരുതരമായി പരിക്കേറ്റിരുന്നു.
ശനിയാഴ്‌ച രാവിലെ കൂടുതൽ ഉദ്യോഗസ്ഥർ, വെറ്ററിനറി ഡോക്‌ടർ എന്നിവരുടെ നേതൃത്വത്തിൽ പുലിയെ മയക്കുവെടിവെച്ച് പിടികൂടുകയായിരുന്നു. ദൗത്യത്തിനിടെ പരിക്കേറ്റ പുലിയുടെ മുറിവ് ഭേദമായാൽ ഉടൻ പുലിയെ കാട്ടിലേക്ക് വിടുമെന്ന് വനം വകുപ്പുദ്യോഗസ്ഥർ അറിയിച്ചു.