ബെംഗളൂരുവിൽ യുവാവിനെ കാറിനുള്ളിൽ വെച്ച് കൊലപ്പെടുത്തി മൃതദേഹം തടാകത്തിലേക്ക് വലിച്ചെറിഞ്ഞു. ധനരാജ് (24) ആണ് കൊല്ലപ്പെട്ടത്. കേസിൽ മൂത്ത സഹോദരൻ ശിവരാജും സുഹൃത്തുക്കളും ആണ് അറസ്റ്റിലായത്. ധനരാജിണ് അക്രമാസക്തവും കുറ്റകൃത്യപരവുമായ പെരുമാറ്റത്തിൻ്റെ ചരിത്രമുണ്ടായിരുന്നു. മോഷണങ്ങൾ, മദ്യപാനം, പതിവ് വഴക്കുകൾ എന്നിവയിൽ അയാൾക്ക് പങ്കുണ്ടെന്ന് ശിവരാജ് പോലീസിനോട് പറഞ്ഞു. ഇരുവരും കലബുറഗി ജില്ലക്കാരാണ്.
ഉപജീവനത്തിനായി ക്യാബ് ഓടിക്കുന്ന ശിവരാജ്, സുഹൃത്തുക്കളായ സന്ദീപ് (24), പ്രശാന്ത് (26) എന്നിവർക്കൊപ്പം കൊലപാതകം ആസൂത്രണം ചെയ്യുകയായിരുന്നു. ധനരാജ് മാതാപിതാക്കളോടൊപ്പം അവരുടെ താമസിച്ചിരുന്നുവെന്ന് പോലീസ് പറഞ്ഞു. ധനരാജ് പലപ്പോഴും മാതാപിതാക്കളെ ആക്രമിക്കാറുണ്ടായിരുന്നു. പെരുമാറ്റത്തെക്കുറിച്ച് ചോദ്യം ചെയ്തപ്പോൾ ജ്യേഷ്ഠനെ പോലും ആക്രമിച്ചിരുന്നു. മൊബൈൽ ഫോണുകളും കന്നുകാലികളെയും മോഷ്ടിക്കുന്നതുൾപ്പെടെയുള്ള മോഷണങ്ങളെക്കുറിച്ച് അയൽക്കാരും ഇടയ്ക്കിടെ പരാതിപ്പെട്ടിരുന്നു.
വീട്ടിൽ തുടർച്ചയായ പീഡനം സഹിക്കാൻ കഴിയാതെ വന്ന ശിവരാജ് സഹോദരനെ കൊല്ലാൻ തീരുമാനിക്കുകയായിരുന്നു. നവംബർ 2ന്, ജോലി കണ്ടെത്താൻ സഹായിക്കാമെന്ന വ്യാജേന ധനരാജിനെ ബെംഗളൂരുവിലേക്ക് വിളിച്ചുവരുത്തി.
ബെംഗളൂരുവിലെ ബന്നാർഘട്ട-നൈസ് റോഡിൽ നിന്ന് മൂന്ന് പേർ ധനരാജിനെ കൂട്ടിക്കൊണ്ടുപോയി കാറിൽവച്ചുതന്നെ വടിവാളുകൊണ്ട് വെട്ടിക്കൊല്ലുകയായിരുന്നു. മൃതദേഹം ബന്നാർഘട്ട-കഗ്ഗലിപുര റോഡിൽ ഉപേക്ഷിച്ച്, കാറിൻ്റെ ഫ്ലോർ മാറ്റും ഇലക്ട്രോണിക് സിറ്റി നൈസ് റോഡിന് സമീപം ഉപേക്ഷിച്ചു. സിസിടിവി ദൃശ്യങ്ങളിൽ കാർ നിർത്തി മൃതദേഹം ഉപേക്ഷിക്കുന്നത് കണ്ടത് നിർണായക തെളിവായി. ബന്നാർഘട്ട പോലീസ് മൂന്ന് പ്രതികളെയും അറസ്റ്റ് ചെയ്തു. കൊലപാതകക്കുറ്റം ചുമത്തി പ്രതികളെ ജുഡീഷ്യൽ കസ്റ്റഡിയിൽ വിട്ടു.
