മാർച്ച് 27 ന് ബെംഗളൂരു നഗരത്തിൽ മാംസ വില്പനയ്ക്ക് നിരോധനം

രാമനവമി ആഘോഷങ്ങളുടെ ഭാഗമായി മാർച്ച് 27 ന് ബെംഗളൂരു നഗരത്തിൽ മാംസ വില്പനയ്ക്ക് നിരോധനം ഏർപ്പെടുത്തി. ഗ്രേറ്റർ ബെംഗളൂരു അതോറിറ്റിയുടെ(ജിബിഎ) മൃഗസംരക്ഷണ വകുപ്പാണ് ഇതുസംബന്ധിച്ച കർശന ഉത്തരവ് പുറപ്പെടുവിച്ചത്. ജിബിഎയുടെ ഉത്തരവ് പ്രകാരം വെള്ളിയാഴ്ച നഗരപരിധിയിലുള്ള എല്ലാ അറവുശാലകളും നിർബന്ധമായും അടച്ചിടണം. ഇറച്ചി വിൽക്കുന്ന കടകൾക്കും മാംസ ഔട്ട്ലെറ്റുകൾക്കും 27ന് പ്രവർത്തിക്കാൻ അനുമതിയുണ്ടാവില്ല. ബാംഗ്ലൂർ നഗരത്തിലെ എല്ലാ വ്യാപാരികളും പൊതുജനങ്ങളും ഈ നിർദ്ദേശം കർശനമായി പാലിക്കണമെന്ന് ഉദ്യോഗസ്ഥർ അറിയിച്ചു.