നടിയെ ആക്രമിച്ച കേസ്; വിചാരണക്കോടതി ഇന്ന് വീണ്ടും പരിഗണിക്കും
കൊച്ചിയിലെ വിചാരണക്കോടതി നടിയെ ആക്രമിച്ച കേസ് ഇന്ന് വീണ്ടും പരിഗണിക്കും. കേസിൽ അന്തിമവാദം പൂർത്തിയായി. പ്രോസിക്യൂഷൻ ആരോപണങ്ങളിലെ സംശയനിവാരണമാണ് നിലവിൽ തുടരുന്നത്. ഒക്ടോബർ ആദ്യവാരം കേസിൽ വിധി വരുമെന്നാണ് പ്രതീക്ഷിക്കുന്നത്. പൾസർ സുനി ഒന്നാം പ്രതിയായ കേസിൽ നടൻ ദിലീപാണ് എട്ടാം പ്രതി. ഒൻപത് പേരാണ് കേസിൽ പ്രതികൾ.
സംസ്ഥാനത്ത് സ്വർണ്ണവില വീണ്ടും കൂടി
സംസ്ഥാനത്ത് സ്വർണ്ണവില വീണ്ടും കൂടി. ഗ്രാമിന് ഇന്ന് 80 രൂപ വർദ്ധിച്ച് 10260 രൂപയും പവന് 640 രൂപ വര്ദ്ധിച്ച് 82080 രൂപയുമായി. അന്താരാഷ്ട്ര സ്വർണ്ണവില 3681 ഡോളറും രൂപയുടെ വിനിമയ നിരക്ക് 88.08 ആണ്. 18,14,9 കാരറ്റുകൾക്കും അനുപാതികമായ വില വർധന ഉണ്ടായിട്ടുണ്ട്. വെള്ളി വില വർദ്ധനവും തുടരുകയാണ്. 42.54 ഡോളറിലാണ് അന്താരാഷ്ട്ര വില. 24 കാരറ്റ് സ്വർണത്തിന് ബാങ്ക് നിരക്ക് ഒരു കോടി 20 ലക്ഷം രൂപയിൽ
കൊല്ലത്ത് കന്യാസ്ത്രീയെ തൂങ്ങിമരിച്ച നിലയിൽ കണ്ടെത്തി
കൊല്ലം, കന്യാസ്ത്രീയെ മഠത്തിൽ തൂങ്ങിമരിച്ച നിലയിൽ കണ്ടെത്തി. തമിഴ്നാട് മധുര സ്വദേശിനിയായ മേരി സ്കൊളാസ്റ്റിക്ക(33) ആണ് മരിച്ചത്. കഴിഞ്ഞ മൂന്ന് വർഷമായി മഠത്തിലെ അന്തേവാസിയാണ്. ഇന്നലെ വൈകിട്ട് മൂന്ന് മണിക്കാണ് കൊല്ലം നഗരത്തിലെ ശങ്കേഴ്സ് ആശുപത്രിക്ക് സമീപമുള്ള ആരാധനാലയത്തിൽ തൂങ്ങി മരിച്ച നിലയിൽ കണ്ടെത്തിയത്. ഉടൻതന്നെ സമീപത്തെ ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കാനായില്ല. ഇവരുടെ ബന്ധുക്കൾ രണ്ട് ദിവസം മുമ്പ് മഠത്തിൽ എത്തിയിരുന്നു. ഇവർ ഡിപ്രഷൻ്റെ അവസ്ഥയിലായിരുന്നുവെന്നാണ് ആത്മഹത്യാക്കുറിപ്പിൽ നിന്നുമുള്ള
പ്രായപൂർത്തിയാകാത്ത ആൺകുട്ടിയെ 14 പേർ പീഡനത്തിന് ഇരയാക്കി
പ്രായപൂർത്തിയാകാത്ത ആൺകുട്ടിയെ 14 പേർ ലൈംഗിക പീഡനത്തിന് ഇരയാക്കി. കുട്ടിയെ വലയിലാക്കിയത് ഡേറ്റിങ് ആപ്പ് ഇടപാടിലൂടെയെന്നാണ് സംശയം. സർക്കാർ ഉദ്യോഗസ്ഥനും പ്രാദേശിക രാഷ്ട്രീയ നേതാക്കളുമടക്കം പ്രതി പട്ടികയിലുണ്ട്. ഗേ ഡേറ്റിംഗ് ആപ്പ് പ്രതികളിൽ ചിലർ ഉപയോഗിച്ചതായാണ് സൂചന. സംഭവത്തിൽ വ്യാപകമായ അന്വേഷണമാണ് പൊലീസ് നടത്തുന്നത്. സംഭവത്തിൽ ആറ് പേര് ചന്തേര പൊലീസിന്റെ കസ്റ്റഡിയിൽ ഉണ്ട്. കുട്ടിയുടെ മൊഴിയുടെ അടിസ്ഥാനത്തിൽ പൊലീസ് സ്റ്റേഷൻ അടിസ്ഥാനത്തിലാണ് കേസുകൾ രജിസ്റ്റർ ചെയ്തിരിക്കുന്നത്. കോഴിക്കോട് ജില്ലയിലെ
ഖത്തറിനെ ഇനി ആക്രമിക്കില്ലെന്ന ഉറപ്പ് കിട്ടി: അമേരിക്കൻ പ്രസിഡന്റ് ട്രംപ്
ഖത്തറിനെ ഇനി ആക്രമിക്കില്ലെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ഉറപ്പ് നല്കിയെന്ന അവകാശ വാദവുമായി അമേരിക്കൻ പ്രസിഡന്റ് ട്രംപ്. ദോഹയിൽ നടന്ന അറബ് ഉച്ചകോടിക്ക് പിന്നാലെയാണ് ഡോണള്ഡ് ട്രംപിന്റെ പ്രതികരണം. ഇസ്രയേൽ ദേഹയിൽ നടത്തിയ ആക്രമണത്തിനെതിരെ അറബ് രാജ്യങ്ങളുടെ ഉച്ചകോടി ഖത്തറിൽ നടന്നു കൊണ്ടിരിക്കുകയാണ്. ഇസ്രയേലിനെതിരെ കനത്ത തിരിച്ചടി വേണമെന്ന് അറബ് രാജ്യങ്ങൾ നിലപാടെടുത്തിരുന്നു. ട്രംപ് മുഴുവന് ബന്ദികളെയും ഉടന് മോചിപ്പിക്കണമെന്ന് ഹമാസിന് മുന്നറിയിപ്പ് നല്കി. ഇന്ന് ഖത്തറില് അമേരിക്കൻ
സാൻജോ ക്ലബ് മെഗാ പൂക്കളം മത്സരം ‘ദളങ്ങൾ 2025’ സെപ്റ്റംബർ 20-ന്
ബാബുസാപാളയയിലെ സാൻജോ ആർട്സ് ആൻഡ് സ്പോർട്സ് ക്ലബ്, ഓണാഘോഷങ്ങളുടെ ഭാഗമായി മാതൃഭൂമിയുടെ സഹകരണത്തോടെ സംഘടിപ്പിക്കുന്ന മെഗാ പൂക്കളം മത്സരം ‘ദളങ്ങൾ 2025 സെപ്റ്റംബർ 20-ന് നടക്കും. ബാബുസാപാളയ ഫാ. മാത്യു തോയിലിൽ മെമ്മോറിയൽ സെൻ്ററിലാണ് മത്സരം. വിജയികളാവുന്ന ഒന്നും രണ്ടും മൂന്നും സ്ഥാനക്കാർക്ക് യഥാക്രമം 25,001രൂപ, 15,001രൂപ, 10,001രൂപ സമ്മാനമായി ലഭിക്കും. ക്ലബ് അംഗങ്ങളുടെ സാംസ്കാരിക പരിപാടികൾ, വിഭവസമൃദ്ധമായ ഓണസദ്യ എന്നിവ ഉണ്ടാവും. സാൻജോ ക്ലബ് പ്രസിഡണ്ട് എ.വി.സെബാസ്റ്റ്യൻ, സെക്രട്ടറി
മലയാളികൾക്ക് നാട്ടിലെത്താൻ കൂടുതൽ സൗകര്യമൊരുക്കി ഇന്ത്യൻ റെയിൽവേ; സ്പെഷ്യൽ ട്രെയിനുകൾ ഡിസംബർ വരെ നീട്ടും
വരുന്ന ഉത്സവക്കാലത്ത് മലയാളികൾക്ക് നാട്ടിലെത്താൻ കൂടുതൽ സൗകര്യമൊരുക്കി ഇന്ത്യൻ റെയിൽവേ. അടുത്തകാലത്തു ബെംഗളൂരുവിൽനിന്ന് തിരുവനന്തപുരത്തേക്ക് അനുവദിച്ച മൂന്ന് പ്രതിവാര സ്പെഷ്യൽ ട്രെയിനുകൾ ഡിസംബർവരെ നീട്ടാൻ റെയിൽവേ ബോർഡ് തീരുമാനിച്ചതായി ദക്ഷിണ പശ്ചിമ റെയിൽവേ അറിയിച്ചു. എസ്.എംവിടി ബെംഗളൂരു-തിരുവനന്തപുരം നോർത്ത് വീക്കിലി എക്സ്പ്രസ് (0655) ആണ് ഡിസംബർവരെ നീട്ടിയ ഒരു വണ്ടി. ഇത് ഡിസംബർ 26 വരെയാണ് നീട്ടിയത്. ഒക്ടോബർ മൂന്നുവരെയാണ് നേരത്തേ അനുവദിച്ചത്. തിരിച്ച് തിരുവനന്തപുരം നോർത്ത് എസ്എംവിടി ബെംഗളൂരു
കെഎസ്ആർടിസി ബസ് അടിപ്പാതയിലേക്ക് ഇടിച്ചു കയറി ഡ്രൈവറും കണ്ടക്ടറും ഉൾപ്പെടെ 27 പേർക്ക് പരിക്ക്
ചേർത്തലയിൽ കെഎസ്ആർടിസി ബസ് ദേശീയപാത അടിപ്പാതയിലേക്ക് ഇടിച്ചു കയറി ഡ്രൈവറും കണ്ടക്ടറും ഉൾപ്പെടെ 27 പേർക്ക് പരിക്കേറ്റു. ഇന്ന് പുലർച്ചെ 4-30 ഓടെയായിരുന്നു സംഭവം. അഗ്നിശമനസേനയെത്തി ബസ് വെട്ടിപ്പൊളിച്ചാണ് കണ്ടക്ടറേയും ഡ്രൈവറേയും പുറത്തെടുത്തത്. ഡ്രൈവർ ശ്രീരാജിൻ്റെയും കണ്ടക്ടർ സുജിത്തിൻ്റെയും പരിക്ക് ഗുരുതരമാണ്. സാരമായി പരിക്കേറ്റ 11 പേരെ വണ്ടാനം മെഡിക്കൽ കോളേജിലേയ്ക്ക് മാറ്റി. ദേശീയപാതയിൽ ഹൈവേ പാലത്തിൽ നിർമ്മാണം നടക്കുന്ന അടിപ്പാതയുടെ രണ്ടാംഘട്ട ഭാഗത്ത് കമ്പികളിലാണ് ബസ് ഇടിച്ചുകയറിയത്. വാഹനങ്ങൾ
എസ്.എൻ.ഡി.പി(കെ) ചാരിറ്റബിൾ ട്രസ്റ്റ് ഗുരുജയന്തിയും ഓണാഘോഷവും സംഘടിപ്പിച്ചു
ശ്രീനാരായണ ഗുരു ധർമ്മ പ്രേരണ ചാരിറ്റബിൾ ട്രസ്റ്റിൻ്റെ ആഭിമുഖ്യത്തിൽ 171മത് ശ്രീനാരായണ ഗുരു ജയന്തിയും ഓണാഘോഷവും വിവിധ പരിപാടികളോടെ ആഘോഷിച്ചു. ജാലഹള്ളി വെസ്റ്റിലുള്ള ശ്രീ അയ്യപ്പക്ഷേത്രം കമ്മ്യൂണിറ്റി ഹാളിൽവച്ച് ഗുരുപുഷ്പാഞ്ജലി, ധ്വജാരോഹണം എന്നീ പരിപാടികളോടെ ആരംഭിച്ചു. ആര്യ ഈഡിഗ മഹാ സംസ്ഥാനം പീഠതിപതി ശ്രീ ശ്രീ ശ്രീ വിഖ്യാതാനന്ദ സ്വാമികളുടെ പ്രഭാഷണവും മഹാകവി കുമാരനാശാൻ്റെ പൗത്രനും റിട്ടയേർഡ് എൻ ടി ടി ടി ആർ മേധാവിയും ആയ പ്രഫസർ ഡോ.പി.അരുൺകുമാറിൻ്റെ
മുൻമന്ത്രി ബി. നാഗേന്ദ്രയുമായി ബന്ധപ്പെട്ടയിടങ്ങളിൽ റെയ്ഡ്
കർണാടകത്തിലെ വാല്മീകി പട്ടികവർഗ വികസന കോർപ്പറേഷൻ ഫണ്ട് തിരിമറിക്കേസുമായി ബന്ധപ്പെട്ട് മുൻമന്ത്രി ബി. നാഗേന്ദ്രയുമായി ബന്ധപ്പെട്ടയിടങ്ങളിൽ സിബിഐ റെയ്ഡ്. പട്ടികവർഗക്ഷേമവകുപ്പിൻ്റെ ചുമതലയുള്ള മന്ത്രിയായിരുന്നു നാഗേന്ദ്ര. കർണാടകത്തിലും ആന്ധ്രാപ്രദേശിലുമുള്ള 15 സ്ഥലങ്ങളിലാണ് സിബിഐ ഉദ്യോഗസ്ഥർ ഒരേസമയം പരിശോധനനടത്തിയത്. പരിശോധനയിൽ എന്തെല്ലാം പിടികൂടിയെന്ന കാര്യം ഉദ്യോഗസ്ഥർ പുറത്തുവിട്ടിട്ടില്ല.