പാകിസ്താനുമായി അതിര്‍ത്തി പങ്കിടുന്ന സംസ്ഥാനങ്ങളില്‍ മോക്ക് ഡ്രില്‍ നാളെ നടത്തും. പഞ്ചാബ്, ഗുജറാത്ത്, രാജസ്ഥാന്‍, ജമ്മു കശ്മീര്‍ എന്നിവിടങ്ങളിലാണ് മോക്ക് ഡ്രില്‍ നടത്തുക. ഓപ്പറേഷന്‍ സിന്ദൂര്‍ ആരംഭിക്കുന്നതിന് മണിക്കൂറുകള്‍ക്ക് മുമ്പ്, മെയ് 7 ന് ആഭ്യന്തര മന്ത്രാലയം രാജ്യവ്യാപകമായി ഓപ്പറേഷന്‍ അഭ്യസ് എന്ന പേരില്‍ മോക്ക് ഡ്രില്‍ നടത്തിയിരുന്നു. സംസ്ഥാനത്തിൻ്റെ പ്രതികരണ സംവിധാനങ്ങളും അടിയന്തര തയ്യാറെടുപ്പും ശക്തിപ്പെടുത്തുക എന്ന ലക്ഷ്യത്തോടെ വൈകുന്നേരം 5 മണി മുതല്‍ 22 ജില്ലകളിലും ഈ സമഗ്ര അഭ്യാസം നടത്തുമെന്ന് സിവില്‍ ഡിഫന്‍സ് അറിയിച്ചു. ആക്രമണമുണ്ടായാല്‍ സ്വയം സംരക്ഷിക്കാനും ചുറ്റുമുള്ള മറ്റുള്ളവരെ എങ്ങനെ സംരക്ഷിക്കാം എന്നതിനെക്കുറിച്ചുള്ള ബോധവല്‍ക്കരണത്തിൻ്റെ ഭാഗമായാണ് മോക്ക് ഡ്രില്‍ അരങ്ങേറുന്നത്. പാകിസ്താനുമായുള്ള 1971-ലെ യുദ്ധത്തിനുശേഷം ഇത്തരത്തിലുള്ള ആദ്യ മോക്ക് ഡ്രില്ലുകള്‍ 33 സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി 250 സ്ഥലങ്ങളിലാണ് നടന്നത്.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
