ഇന്ത്യയും ന്യൂസിലൻഡും തമ്മിലുള്ള ഒന്നാം ക്രിക്കറ്റ് ടെസ്റ്റിൽ ന്യൂസിലൻഡിന് ബാറ്റിങ് തകർച്ച. ഒടുവിൽ വിവരം ലഭിക്കുമ്പോൾ അഞ്ച് വിക്കറ്റ് നഷ്ടത്തിൽ 104 റൺസെന്ന നിലയിലാണ് ന്യൂസിലൻഡ്.
ടോസ് നേടിയ ഇന്ത്യ ഫീൽഡിങ് തിരഞ്ഞെടുക്കുകയായിരുന്നു. ഇന്ത്യൻ പേസർ ജസ്പ്രീത് ബുംറയുടെ പന്തിൽ ടോം ലാഥം റൺസൊന്നുമെടുക്കാതെ പുറത്തായി. ദേവൺ കോൺവേ നാല് റൺസെടുത്ത് മടങ്ങി.
ഹെൻറി നിക്കോൾസ് 98 പന്തിൽ 49 റൺസുമായി പുറത്താകാതെ നിൽക്കുകയാണ്. ഗ്ലെൻ ഫിലിപ്സ് 21 പന്തിൽ 19 റൺസുമായി ക്രീസിലുണ്ട്. രചിൻ രവീന്ദ്ര 15 റൺസെടുത്തും ഡാരിൽ മിച്ചൽ ഒരു റൺസെടുത്തും ടോം ബ്ലണ്ടൽ അഞ്ച് റൺസെടുത്തും പുറത്തായി.
ഇന്ത്യയ്ക്കായി ജസ്പ്രീത് ബുംറ മൂന്ന് വിക്കറ്റ് വീഴ്ത്തി. ആകാശ് ദീപും അൻഷുൽ കാംബോജും ഓരോ വിക്കറ്റ് വീതം നേടി. എക്സ്ട്രാസ് ഇനത്തിൽ ആറ് റൺസും ന്യൂസിലൻഡിന് ലഭിച്ചു.