കരൂർ ദുരന്തവുമായി ബന്ധപ്പെട്ട് പൊലീസിനെയും ഡിഎംകെയെയും രൂക്ഷമായി വിമർശിച്ച് തമിഴ്നാട് മുഖ്യമന്ത്രി വിജയ്. ദുരന്തം രാഷ്ട്രീയ ഗൂഢാലോചനയുടെ ഭാഗമാണെന്നും, ആൾക്കൂട്ടം നിയന്ത്രണാതീതമാകുമെന്ന് പൊലീസ് മുൻകൂട്ടി മുന്നറിയിപ്പ് നൽകിയിരുന്നില്ലെന്നും വിജയ് ആരോപിച്ചു.
ദുരന്തത്തിൽ മരിച്ചവരുടെ ഓർമ്മയ്ക്കായി കരൂരിൽ സ്മാരകം നിർമ്മിക്കുമെന്നും അദ്ദേഹം പ്രഖ്യാപിച്ചു. ദുരന്തത്തിന് ശേഷം ആദ്യമായാണ് വിജയ് കരൂരിലെത്തുന്നത്. ഉച്ചയ്ക്കുശേഷം ദുരന്തത്തിൽ മരിച്ചവരുടെ കുടുംബാംഗങ്ങളെ നേരിൽ കണ്ട് ആശ്വസിപ്പിക്കുകയും വിവിധ സഹായങ്ങൾ കൈമാറുകയും ചെയ്യും.
അതേസമയം, സംസ്ഥാനത്ത് അഴിമതി അവസാനിപ്പിച്ചുവെന്ന അവകാശവാദവും വിജയ് ആവർത്തിച്ചു. സർക്കാർ ഓഫീസുകളിൽ ഇനി ഒരാൾ പോലും കൈക്കൂലി നൽകരുതെന്നും, അഴിമതിക്കെതിരെ ജനങ്ങൾ ജാഗ്രത പാലിക്കണമെന്നും അദ്ദേഹം ആഹ്വാനം ചെയ്തു.
