കുംഭമേളയ്‌ക്കെത്തിയ തീർഥാടകർ സഞ്ചരിച്ച കാർ അപകടത്തിൽപ്പെട്ടു; പത്ത് പേർ മരിച്ചു,19 പേർക്ക് പരിക്ക്

പ്രയാഗ് രാജ് – മിർസപൂർ ഹൈവേയിൽ വെച്ച് മഹാകുംഭമേളയ്ക്ക് എത്തിയ തീർഥാടകർ സഞ്ചരിച്ച കാർ അപകടത്തിൽപ്പെട്ട് പത്ത് പേർ മരിച്ചു. അപകടത്തിൽ ബസിൽ ഉണ്ടായിരുന്ന 19 പേർക്ക് പരുക്കേറ്റതായാണ് വിവരം. പ്രയാഗ് രാജ് – മിർസപൂർ ഹൈവേയിൽ മേജയിൽ ഇന്ന് പുലർച്ചെയാണ് അപകടം ഉണ്ടായത്. മധ്യപ്രദേശിൽ നിന്നുള്ള തീർത്ഥാടകരാണ് ബസിൽ ഉണ്ടായിരുന്നത് എന്നാണ് വിവരം. കാറിൽ ഉണ്ടായിരുന്ന 10 പേരാണ് മരിച്ചത്. ഇവർ ഛത്തീസ്ഗഡ് സ്വദേശികളാണ്.