മിനിമം ബാലന്‍സ് പിഴ: 12 ബാങ്കുകള്‍ 3 സാമ്പത്തിക വര്‍ഷംകൊണ്ട് ഈടാക്കിയത് 8,000 കോടി
ഇന്ത്യയിലെ പൊതുമേഖല ബാങ്കുകള്‍ മിനിമം ബാലന്‍സ് പിഴയായി പിരിച്ചെടുത്തത് 8,000 കോടി രൂപ. 12 പൊതുമേഖല ബാങ്കുകള്‍ കഴിഞ്ഞ മൂന്നു സാമ്പത്തിക വര്‍ഷം കൊണ്ട് പിരിച്ചെടുത്ത കണക്കാണിത്. പഞ്ചാബ് നാഷണല്‍ ബാങ്കാണ് പിഴത്തുക ഈടാക്കുന്നതില്‍ മുന്നിലുള്ളത്. 2023-2025 സാമ്പത്തിക വര്‍ഷത്തിനിടയില്‍ 1,577.87 കോടി രൂപയാണ് പഞ്ചാബ് നാഷണല്‍ ബാങ്ക് ഈടാക്കിയത്.
ഇന്ത്യയിലെ ഒന്നാമത്തെ പൊതുമേഖല ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) പിഴത്തുക പിരിച്ചവരില്‍ ഏറ്റവും പിന്നിലാണെന്നാണ് കേന്ദ്രസര്‍ക്കാര്‍ പാര്‍ലമെന്‍റില്‍ വച്ച രേഖകളിലുള്ളത്. അഞ്ചാം സ്ഥാനത്താണ് നമ്പര്‍ വണ്‍ പൊതുമേഖല ബാങ്കായ എസ്ബിഐയുടെ സ്ഥാനം. 932.82 കോടി രൂപയാണ് ഇക്കാലയളവില്‍ എസ്ബിഐ പിരിച്ചെടുത്തത്.
