ബെംഗളൂരുവിൽ ഗതാഗത നിയമ ലംഘനം നടത്തുന്ന വാഹന ഉടമകൾക്കെതിരെ കേസെടുത്തു തുടങ്ങി

ബെംഗളൂരു നഗരത്തിൽ ഗതാഗത നിയമ ലംഘനം നടത്തുന്ന വാഹന ഉടമകൾക്കെതിരെ ട്രാഫിക് പൊലീസ് കേസെടുത്തു തുടങ്ങി. നേരത്തേ താക്കീത് നൽ കുകയും പിഴ ഈടാക്കുകയും മാത്രമാണ് ചെയ്തിരുന്നത്. തിരക്കേറിയ റോഡുകളിലെ അനധികൃത പാർക്കിങ്, വൺവേ തെറ്റിക്കൽ, സിഗ്നൽ തെറ്റിക്കൽ തുടങ്ങിയ ലംഘനങ്ങൾക്കാണ് കേസെടുക്കുന്നത്.
വലിയ വാഹനങ്ങളും കാറുകളും വൺവേ തെറ്റിച്ചാൽ ബിഎൻഎസ് 285-ാം വകുപ്പു പ്രകാരം കേസെടുക്കും. കേസ് റജിസ്റ്റർ ചെയ്‌താൽ വാഹനം പിടിച്ചെടുക്കും. വാഹനം തിരിച്ചു കിട്ടാൻ കോടതിയിൽ പിഴ അടയ്ക്കണം.