നാവികസേനയുടെ രഹസ്യ വിവരങ്ങൾ വിദേശത്തെ അനധികൃത സ്ഥാപനങ്ങൾക്ക് ചോർത്തി നൽകിയതുമായി ബന്ധപ്പെട്ട് ഗുജറാത്ത് സ്വദേശി ഹിരേന്ദ്ര കുമാറിനെ (34) അറസ്റ്റുചെയ്തു. കേസുമായി ബന്ധപ്പെട്ട് അറസ്റ്റിലാകുന്ന മൂന്നാമത്തെയാളാണ് ഹിരേന്ദ്ര. ഗുജറാത്തിലുള്ള ആനന്ദ് താലൂക്കിൽനിന്ന് ഉഡുപ്പി പോലീസാണ് ഇയാളെ പിടികൂടിയത്. കർക്കല സബ് ഡിവിഷനിലെ ഹർഷ് പ്രിയംവദയുടെ നേതൃത്വത്തിലുള്ള അന്വേഷണസംഘമാണ് ഇയാളെ പിടികൂടിയത്.
സുരക്ഷാ ക്രമക്കേടുമായി ബന്ധപ്പെട്ട് നേരത്തേ യുപി സ്വദേശികളായ രോഹിത് (29), സാന്ത്രി (37) എന്നിവരെ അറസ്റ്റുചെയ്തിരുന്നു. കഴിഞ്ഞ മാസം നവംബറിൽ മാൽപേയിലെ ഉഡുപ്പി കൊച്ചിൻ ഷിപ്പ്‌യാർഡിൽ സുരക്ഷാ വീഴ്ച കണ്ടെത്തിയതിനെത്തുടർന്നാണ് കേസ് എടുത്തത്‌.
