യു.എസിൻ്റെ 47-ാമത് പ്രസിഡൻ്റ് ആയി ചുമതലയേറ്റതിനു പിന്നാലെ നിരവധി എക്സിക്യുട്ടീവ് ഉത്തരവുകളിൽ ഒപ്പുവെച്ച് ഡൊണാൾഡ് ട്രംപ്

ലോകാരോഗ്യ സംഘടനയിൽനിന്ന് (ഡബ്ല്യു.എച്ച്.ഒ.) പിന്മാറുന്നത് ഉൾപ്പെടെയുള്ള ഉത്തരവുകളാണ് ഒപ്പുവെച്ചത്. ലോകാരോഗ്യ സംഘടനയ്ക്ക് ചൈനയെക്കാൾ കൂടുതൽ പണം യു.എസ്. അന്യായമായി നൽകുന്നുവെന്ന് വാദിച്ചാണ് പിന്മാറുന്നതായുള്ള ഒപ്പുവെച്ചത്. ഫെഡറൽ ജീവനക്കാർ വർക്ക് ഫ്രം ഹോം അവസാനിപ്പിച്ച് ഓഫീസുകളിൽ തിരിച്ചെത്തണമെന്ന ഉത്തരവിലും ട്രംപ് ഒപ്പുവെച്ചു. കോവിഡ് വ്യാപിച്ചതു മുതൽ ഫെഡറൽ ജീവനക്കാർ വർക്ക് ഫ്രം ഹോം സംവിധാനം തുടരുകയായിരുന്നു ഫെഡറൽ തൊഴിലാളികൾ വർക്ക് ഫ്രം ഹോം ജോലി അവസാനിപ്പിച്ച് ഓഫീസുകളിലെത്തണമെന്നതു മുതൽ ജന്മാവകാശ പൗരത്വം റദ്ദാക്കുന്നത് വരെയുള്ള വിഷയങ്ങൾ എക്‌സിക്യുട്ടീവ് ഉത്തരവുകളിൽ ഉൾപ്പെടുന്നു. പാരീസ് കാലാവസ്ഥാ ഉടമ്പടിയിൽനിന്ന് യു.എസിനെ പിൻവലിച്ചുകൊണ്ടുള്ള ഉത്തരവും ഒപ്പുവെച്ചവയിലുൾപ്പെടുന്നു. കുടിയേറ്റത്തിനും അഭയാർഥിത്വത്തിനും പുതിയ നിയന്ത്രണങ്ങൾ, മെക്‌സിക്കോ അതിർത്തിയിലേക്ക് സൈന്യത്തെ അയക്കൽ, ജന്മാവകാശ പൗരത്വം അവസാനിപ്പിക്കൽ തുടങ്ങിയ കടുത്ത നിയന്ത്രണങ്ങൾ വരുത്തുമെന്ന് ട്രംപ് അറിയിച്ചിരുന്നു