മുൻ കേന്ദ്ര ആഭ്യന്തരമന്ത്രിയും മുതിർന്ന കോൺഗ്രസ് നേതാവുമായ ശിവരാജ് പാട്ടീൽഅന്തരിച്ചു

മുൻ കേന്ദ്ര ആഭ്യന്തരമന്ത്രിയും മുതിർന്ന കോൺഗ്രസ് നേതാവുമായ ശിവരാജ് പാട്ടീൽ (91) അന്തരിച്ചു. രാവിലെ 6:30 ഓടെ ലാത്തുരിലെ വസതിയിലായിരുന്നു അന്ത്യം. അസുഖബാധിതനായി ചികിത്സയിലായിരുന്നു. മഹാരാഷ്ട്രയിലെ ലാത്തുർ ലോക്സഭാ മണ്ഡലത്തിൽ നിന്ന് ഏഴ് തവണ വിജയിച്ച അദ്ദേഹം മുൻ ലോക്സ‌ഭാ സ്‌പീക്കർ ആയിരുന്നു. കേന്ദ്ര മന്ത്രിസഭയിലെ വിവിധ പ്രധാന വകുപ്പുകൾ വഹിച്ചിരുന്നു. 2010 മുതൽ 2015 വരെ പഞ്ചാബ് ഗവർണറും കേന്ദ്രഭരണ പ്രദേശമായ ചണ്ഡീഗഡിൻ്റെ അഡ്മിനിസ്ട്രേറ്ററുമായിരുന്നു.