മൈസൂർ നഗരത്തിൽ ഓട്ടോ യാത്രാനിരക്ക് ജനുവരി ഒന്നു മുതൽ വർദ്ധിക്കും

മൈസൂർ നഗരത്തിൽ ഓട്ടോ യാത്രാനിരക്ക് ജനുവരി ഒന്നു മുതൽ കൂടും. നിലവിലുള്ളതിൽനിന്ന് നിരക്ക് 20 ശതമാനം വർധിക്കും. മിനിമം നിരക്ക് 30 രൂപയിൽ നിന്ന് 36 രൂപയായും പിന്നീടുള്ള നിരക്ക് നിലവിലെ 15 രൂപയിൽനിന്ന് കിലോമീറ്ററിന് 18 രൂപയായും ഉയരുമെന്നും റീജണൽ ട്രാൻസ്പോർട്ട് അതോറിറ്റി യോഗത്തിൽ ജില്ലാ ആർടിഎ ചെയർമാൻ കൂടിയായ ഡെപ്യൂട്ടി കമ്മിഷണർ ജി. ലക്ഷ്മികാന്ത് റെഡ്ഡി അറിയിച്ചു.
ജില്ലയിൽ വർഷങ്ങളായി ഓട്ടോ യാത്രാനിരക്കുകൾ പരിഷ്‌കരിച്ചിട്ടില്ലെന്ന് ഓട്ടോ ഡ്രൈവർമാരുടെയും ഓണേഴ്‌സ് അസോസിയേഷൻ്റെയും അംഗങ്ങൾ നേരത്തേ പരാതിപ്പെട്ടിരുന്നു.