ദസറയുടെ ആകർഷണങ്ങളിലൊന്നായ എയർ ഷോ ഇന്ന് വൈകുന്നേരം 4.30 ന്

ദസറയുടെ മുഖ്യ ആകർഷണങ്ങളിലൊന്നായ ഇന്ത്യൻ വ്യോമസേനയുടെ എയർ ഷോ ഇന്ന് വൈകുന്നേരം 4.30-ന് ബന്നിമണ്ഡപിലെ ടോർച്ച് ലൈറ്റ് പരേഡ് ഗ്രൗണ്ടിൽ നടക്കും. പാസ് മൂലമാണ് പ്രവേശനം. വ്യോമസേനയുടെ സൂര്യകിരൺ എയറോബാറ്റിക് ടീമാണ് എയർ ഷോ അവതരിപ്പിക്കുക. ചുവപ്പും വെള്ളയും നിറത്തിലുള്ള ഹോക്ക് എംകെ-132 ജെറ്റുകളാണ് എയർ ഷോയിൽ ആകാശത്ത് കാഴ്ചകളുടെ വിസ്മയമൊരുക്കുക.