ഛത്തീസ്‌ഗഡിൽ ഏറ്റുമുട്ടൽ; 6 മാവോയിസ്റ്റുകളെ വധിച്ചു

ഛത്തീസ്‌ഗഡിൽ നാരായൺപൂർ ജില്ലയിലെ അബുജ്‌മദ് വനമേഖലയിലാണ് സുരക്ഷാസേനയും മാവോയിസ്റ്റുകളും തമ്മിൽ ഏറ്റുമുട്ടലുണ്ടായത്. ഏറ്റുമുട്ടലിൽ 6 മാവോയിസ്റ്റുകളെ വധിച്ചു. എകെ-47, എസ്എൽആർ റൈഫിളുകൾ, സ്ഫോടകവസ്തുക്കൾ, ദൈനംദിന ഉപയോഗ സാമഗ്രികൾ തുടങ്ങിയവ ഇവരിൽ നിന്നും സുരക്ഷാസേന കണ്ടെടുത്തു. വനമേഖലയിൽ രഹസ്യവിവരത്തെ തുടർന്നാണ് പരിശോധന നടന്നത്. വന മേഖലയിൽ ഏറ്റുമുട്ടൽ നടന്നുകൊണ്ടിരിക്കുകയാണെന്ന് അധികൃതർ പറഞ്ഞു.