ആന്ധ്രാപ്രദേശിൽ സ്ത്രീ ശക്തി പദ്ധതി ഉദ്ഘാടനം ചെയ്‌ത്‌ 30 മണിക്കുറിനുള്ളിൽ 12 ലക്ഷം സ്ത്രീകൾ സൗജന്യമായി ആന്ധ്രാപ്രദേശ് സ്റ്റേറ്റ് റോഡ് ട്രാൻസ്പോർട്ട് കോർപറേഷൻ (എ.പി.എസ്. ആർ.ടി.സി) ബസുകളിൽ സഞ്ചരിച്ചതായി അധികൃതർ വ്യക്തമാക്കി.
ആന്ധ്രയിലെ സ്ത്രീകൾക്കും പെൺകുട്ടികൾക്കും ട്രാൻസ് വ്യക്തികൾക്കും ബസുകളിൽ എ.പി.എസ്.ആർ.ടി.സി സൗജന്യ യാത്ര അനുവദിക്കുന്ന പദ്ധതിയായ സ്ത്രീ ശക്തി ആഗസ്റ്റ് 15നാണ് മുഖ്യമന്ത്രി ചന്ദ്രബാബു നായിഡു ഉദ്ഘാടനം ചെയ്തത്. പദ്ധതി നിലവിൽ വന്ന ആദ്യ ദിവസം തന്നെ ഗുണഭോക്താക്കൾക്ക് അഞ്ചു കോടി രൂപ വരെ ലാഭിക്കാൻ കഴിഞ്ഞെന്നാണ് കണക്കാക്കപ്പെടുന്നത്.
