പുതുവർഷാഘോഷം; ബെംഗളൂരു നഗരത്തിൽ ഗതാഗത നിയന്ത്രണം

പുതുവർഷാഘോഷത്തോടനുബന്ധിച്ചു ബെംഗളൂരു നഗരത്തിൽ ഗതാഗത നിയന്ത്രണം ഏർപ്പെടുത്തി. രാത്രി 8 നും പുലർച്ചെ 2 നും ഇടയിൽ എം ജി റോഡ് (അനിൽ കുംബ്ലെ സർക്കിൾ – മേയോ ഹാൾ), ബ്രിഗേഡ് റോഡ്, ചർച്ച് സ്ട്രീറ്റ്, മ്യൂസിയം റോഡ്, റെസ്റ്റ് ഹൗസ് റോഡ് എന്നിവിടങ്ങളിൽ വാഹനങ്ങൾ അനുവദിക്കില്ല. ഈ റോഡുകളിൽ പാർക്ക് ചെയ്ത വാഹനങ്ങൾ വൈകിട്ട് 4നു മുൻപു മാറ്റണമെന്ന് അധികൃതർ അറിയിച്ചു. ശിവാജിനഗർ ബിഎംടിസി കോംപ്ലെക്സ്, യുബി സിറ്റി, കാമരാജ് റോഡ്, ഗരുഡ മാൾ എന്നിവിടങ്ങളിൽ വാഹനങ്ങൾ പാർക്ക് ചെയ്യാൻ അനുവാദമുണ്ട്.