തമിഴ്നാടിന് പ്രതിദിനം നൽകേണ്ട കാവേരി ജലത്തിൻ്റെ അളവ് 6000 ക്യുസെക്സിൽ നിന്ന് 3000 ക്യുസെക്സായി കുറയ്ക്കണമെന്ന് കാവേരി ജല മാനേജ്മെന്റ് അതോറിറ്റിയോട് (CWMA) കർണാടക ആവശ്യപ്പെട്ടു. സംസ്ഥാനത്തെ മഴയുടെ അളവും അണക്കെട്ടുകളിലെ ജലനിരപ്പും വിലയിരുത്തിയ ശേഷമാണ് കർണാടക ആവശ്യം ഉന്നയിച്ചത്. സംസ്ഥാനത്തെ ജലസേചന, കുടിവെള്ള ആവശ്യങ്ങൾ പരിഗണിച്ചാണ് തമിഴ്നാടിന് നൽകുന്ന ജലത്തിൻ്റെ അളവ് കുറയ്ക്കണമെന്ന ആവശ്യം മുന്നോട്ടുവച്ചത്.
അടുത്ത CWMA യോഗം സെപ്റ്റംബർ 22ന് ചേരും. യോഗത്തിൽ കർണാടകയുടെ ആവശ്യം പരിഗണിക്കുമെന്നാണ് സംസ്ഥാന സർക്കാരിൻ്റെ പ്രതീക്ഷ. അണക്കെട്ടുകളിലെ നിലവിലെ ജലലഭ്യതയും സംസ്ഥാനത്തിൻ്റെ ആവശ്യങ്ങളും യോഗത്തിൽ കർണാടക വിശദീകരിക്കും.
