കുടുംബവഴക്ക്; 19കാരനെ കൊന്ന് ലഗേജ് ബാഗിലാക്കി ഉപേക്ഷിച്ച ബന്ധു പിടിയിൽ

ഒഡീഷയിലെ ബെർഹാംപുറിലെ ഗഞ്ചം ജില്ലയിൽ ബന്ധുവിനെ കൊലപ്പെടുത്തി യുവാവ്. രാജ്‌ദീപ് സഹുവാണ് (19) മരിച്ചത്. കുടുംബ വഴക്കാണ് കൊലപാതകത്തിന് പിന്നിലെന്നാണ് നിഗമനം. സംഭവത്തിൽ 22കാരനായ യുവാവിനെ അറസ്റ്റ് ചെയ്തു. കൊലപാതകത്തിൻ്റെ യഥാർഥ കാരണം വ്യക്തമല്ല. കൊലപാതകത്തിന് ശേഷം മൃതദേഹം പോളിത്തീൻ കവറിൽ പൊതിഞ്ഞ് ലഗേജ് ബാഗിലാക്കി ഉപേക്ഷിക്കുകയായിരുന്നു എന്ന് ഉദ്യോഗസ്ഥർ‌ അറിയിച്ചു. കൂടുതൽ അന്വേഷണം നടക്കുകയാണെന്ന് പൊലീസ് പറഞ്ഞു.