കാനഡയിലെ വാന്കൂവറില് സ്ട്രീറ്റ് ഫെസ്റ്റിവലിനിടയില് ആള്ക്കൂട്ടത്തിനിടയിലേക്ക് വാഹനം ഇടിച്ചുകയറി നിരവധി പേര് മരിച്ചതായി റിപ്പോര്ട്ട്. ലാപു ലാപു ദിനം ആഘോഷിക്കുന്നതിന് ഒത്തുകൂടിയവര്ക്കിടയിലേക്കാണ് വാഹനം ഇടിച്ചുകയറിയത്. പ്രാദേശിക സമയം രാത്രി 8 മണിയോടെയായിരുന്നു അപകടം. സംഭവത്തില് ഡ്രൈവറെ പോലിസ് അറസ്റ്റ് ചെയ്തതായി അന്തര്ദേശീയമാധ്യമങ്ങള് റിപ്പോര്ട്ട് ചെയ്യുന്നു.
അതിവേഗത്തിൽ വന്ന ഫെസ്റ്റിവലിനിടയിലേക്ക് ഒരു കറുത്ത എസ്യുവി ഇടിച്ചുകയറുകയും ജനക്കൂട്ടത്തിനിടയിലൂടെ ഓടിച്ച് നിരവധി പേരെ ഇടിക്കുകയായിരുന്നുവെന്നും ദൃക്സാക്ഷികളെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ആക്രമണമാണോ അപകടമാണോ സംഭവിച്ചത് എന്നതില് വ്യക്തത ലഭിച്ചിട്ടില്ല.
