ഇന്ത്യൻ അതിർത്തിയിൽ വീണ്ടും പാക് പ്രകോപനം; ശക്തമായ തിരിച്ചടിച്ച് ഇന്ത്യ

ഇന്ത്യൻ അതിർത്തിയിൽ വീണ്ടും പാക് പ്രകോപനം. നിയന്ത്രണരേഖയിൽ പലയിടത്തും പാക്കിസ്ഥാൻ സൈന്യത്തിൻ്റെ ഭാഗത്തുനിന്ന് വെടിവയ്പ്. ശക്തമായ തിരിച്ചടി നൽകി ഇന്ത്യൻ സൈന്യം.പാക് സൈന്യത്തിൻ്റെ ഭാഗത്തു നിന്ന് കഴിഞ്ഞ ദിവസങ്ങളിലും പല തവണ പ്രകോപനമുണ്ടായിരുന്നു. പഹൽഗാം ഭീകരാക്രമണത്തിൻ്റെ പശ്ചാത്തലത്തിൽ പാക്കിസ്ഥാനെതിരേ ഇന്ത്യ നടപടികൾ കടുപ്പിച്ചതിന് പിന്നാലെയാണ് ഇത്. എന്നാൽ സിന്ധു നദീജല കരാർ റദ്ദാക്കിയ ഇന്ത്യയുടെ നടപടിയോട് രൂക്ഷമായാണ് പാക് പ്രതിരോധ മന്ത്രി പ്രതികരിച്ചത്. വെള്ളം നൽകിയില്ലെങ്കിൽ യുദ്ധമെന്ന് പറഞ്ഞ പാക് പ്രതിരോധ മന്ത്രി, പാക്കിസ്ഥാൻ ആണവ രാഷ്ട്രമാണെന്ന് മറക്കരുതെന്നും പറഞ്ഞു.