മംഗളൂരു ബീച്ചിൽ ഒരാൾ മുങ്ങിമരിച്ചു; ഒരാളെ കാണാതായി

മംഗളൂരു സുറത്ത്കൽ എൻ.ഐ.ടി.കെ ബീച്ചിൽ ചൊവ്വാഴ്‌ച വൈകുന്നേരം ഉണ്ടായ ദുരന്തത്തിൽ ഒരാൾ മരിച്ചു. ഒരാളെ കടലിൽ കാണാതായി. മുംബൈയിൽനിന്ന് എത്തിയ കുടുംബത്തിലെ 2 പേരാണ് അപകടത്തിൽപ്പെട്ടത്. 10 അംഗ സംഘത്തിലെ ധ്യാൻ ബഞ്ചനാണ് (18) മരിച്ചത്. കാണാതായത് ഹനീഷ് കുലാലുവിനെ (15) ആണ് ധ്യാനിനെ ലൈഫ് ഗാർഡ് പ്രദീപ് ആചാര്യ വെള്ളത്തിൽ നിന്ന് രക്ഷപ്പെടുത്തി പത്മാവതി ആശുപത്രിയിലേക്ക് എത്തിച്ചു. അവിടെ എത്തിയപ്പോഴേക്കും മരിച്ചതായി ഡോക്‌ടർമാർ പറഞ്ഞു. വിവേകാനന്ദ ബഞ്ചൻ്റെ മകനാണ് ധ്യാൻ.