വീട്ടിൽ കഞ്ചാവ് ചെടി വളർത്തിയതിന് ഹൈദരാബാദ് സ്വദേശിയായ സോഫ്റ്റ്‍വെയൻ എൻജിനിയറെ പൊലീസ് അറസ്റ്റ് ചെയ്തു. സി.എച്ച്.ശശിധർ എന്ന യുവാവാണ് കഞ്ചാവ് ചെടിയുമായി അറസ്റ്റിലായത്. നാച്ചാരത്തെ സ്വന്തം വീട്ടിലാണ് യുവാവ് കഞ്ചാവ് ചെടി വളർത്തിയത്. ഇവിടെ നിന്ന് 17 കഞ്ചാവ് ചെടികൾ പിടിച്ചെടുത്തു.
യുവാവ് ലഹരിയ്ക്ക് അടിമയായിരുന്നു. മാസശമ്പളം മുഴുവൻ ഉപയോഗിച്ച് ലഹരി വാങ്ങുകയായിരുന്നു പതിവ്. സാമ്പത്തിക ബുദ്ധിമുട്ട് വന്നതോടെയാണ് സ്വന്തം വീട്ടിലെ ടെറസിൽ കഞ്ചാവ് ചെടി തന്നെ വളർത്താൻ തീരുമാനിക്കുകയായിരുന്നു. വീട്ടിലെ ടെറസിൽ യുവാവ് കഞ്ചാവ് വളർത്തുന്നെന്ന വിവരമറിഞ്ഞ് എസ്ഐ ബാലരാജിൻ്റെ നേതൃത്വത്തിലുള്ള എക്സൈസ് സംഘമാണ് ശശിധറിൻ്റെ വീട്ടിലെത്തിയത്.
