ഇന്ത്യൻ ഇൻസ്റ്റിറ്റ്യൂട്ട് ഓഫ് എജുക്കേഷണൽ തിയേറ്റർ (ഐഐഇടി), ആസ്‌തിക്യ ഫൗണ്ടേഷനുമായി സഹകരിച്ച് മൈസൂരുവിൽ ദേശീയ പാവക്കൂത്ത് ഉത്സവം സംഘടിപ്പിക്കുന്നു. ഡിസംബർ 16 മുതൽ 21 വരെ ആണ് പാവക്കൂത്ത് ഉത്സവം. ഇന്ത്യയുടെ പല ഭാഗങ്ങളിലുള്ള പാവക്കൂത്ത് സംഘങ്ങളുടെ അവതരണം ഉണ്ടായിരിക്കും.
എഴുത്തുകാരനും സ്ഥാപക മാനേജിംഗ് ഡയറക്ടറുമായ ജി.കെ. ജയറാം, പ്രശസ്ത പ്രൊഡക്ഷൻ ആൻഡ് പപ്പറ്റ് ഡിസൈനർ ശശിധർ അഡപ്പ എന്നിവരുടെ നേതൃത്വത്തിൽ പപ്പറ്റ് വർക്ക്‌ഷോപ്പിൻ്റെ ഉദ്ഘാടനത്തോടെയാണ് ഫെസ്റ്റിവൽ ആരംഭിക്കുന്നത്. പ്രശസ്ത നാടക വിദഗ്ധയായ രാമേശ്വരി വർമ്മ പരിപാടിക്ക് നേതൃത്വം നൽകും.
മൈസൂരുവിലെ ജെഎൽബി റോഡിലുള്ള ഹാർഡ്വിക്ക് സ്കൂ‌ളിലാണ് പരിപാടി. 16-ന് പാവക്കൂത്ത് ശില്പശാലയോടെയാണ് പരിപാടി ആരംഭിക്കുക. ഇന്ത്യൻ പാവകളിയുടെ വൈവിധ്യമാർന്ന പൈതൃകം ആഘോഷിക്കാനും പുനരുജ്ജീവിപ്പിക്കാനും പ്രോത്സാഹിപ്പിക്കാനും ഫെസ്റ്റിവൽ ലക്ഷ്യമിടുന്നു. 19-ന് വൈകീട്ട് ആറിന് കന്നഡ സാംസ്കാരിക വകുപ്പ് ഡയറക്‌ടർ കെ.എം. ഗായത്രി പരിപാടി ഉദ്ഘാടനം ചെയ്യും.
