ആര്ടെമിസ് 2 ദൗത്യത്തിൻ്റെ ഭാഗമാകുന്ന നാല് ബഹിരാകാശ സഞ്ചാരികളെ വഹിക്കുന്ന ഓറിയോണ് ബഹിരാകാശ പേടകം ഭൂമിയുടെ ഭ്രമണപഥം വിട്ട് ചന്ദ്രനിലേക്ക് യാത്ര തുടങ്ങി. ട്രാന്സ് ലൂണാര് ഇന്ജക്ഷന് ബേണ് പൂര്ത്തിയായതായി നാസ വ്യക്തമാക്കി. ആര്ട്ടെമിസ് 2 ദൗത്യം നയിക്കുന്നത് നാല് ബഹിരാകാശ സഞ്ചാരികള് ഉള്പ്പെട്ട സംഘമാണ്.
വിക്ടര് ഗ്ലോവര് (മിഷന് പൈലറ്റ്), നാസയുടെ റീഡ് വൈസ്മാന് (കമാന്ഡര്), ക്രിസ്റ്റീന കോച്ച് (മിഷന് സ്പെഷ്യലിസ്റ്റ്), കാനഡയുടെ ജെറെമി ഹാന്സണ് (മിഷന് സ്പെഷ്യലിസ്റ്റ്) എന്നിവരാണ് സഞ്ചാരികള്. ഇതോടെ ചന്ദ്രൻ്റെ പരിസരത്തേയ്ക്ക് യാത്ര ചെയ്യുന്ന ആദ്യ വനിതയായി ക്രിസ്റ്റീന കോച്ച് മാറി. ഹാന്സന് ചാന്ദ്രദൗത്യത്തില് പങ്കാളിയാകുന്ന ആദ്യത്തെ അമേരിക്കക്കാരനല്ലാത്ത വ്യക്തിയുമായി.
സഞ്ചാരികളാരും ഫ്ളൈബൈ ദൗത്യമായതിനാല് ചന്ദ്രനില് ഇറങ്ങില്ല. ഭാവി ആര്ട്ടെമിസ് ദൗത്യങ്ങള്ക്ക് വേണ്ടിയുള്ള സാങ്കേതിക സംവിധാനങ്ങളുടെ പരീക്ഷണമാണ് 10 ദിവസം നീണ്ട് നില്ക്കുന്ന ദൗത്യം കൊണ്ട് ലക്ഷ്യമിടുന്നത്.
