മാസം: ജൂലൈ 2025

കോൺഗ്രസ് എംഎൽഎയും കർണാടകയിലെ മുതിർന്ന നേതാവുമായ ബി.ആർ.പാട്ടീലിൻ്റെ ഫോൺകോൾ ചോർന്നു. സഹപ്രവർത്തകരുമായി പാട്ടീൽ സംസാരിക്കുന്നതിൻ്റെ വീഡിയോ ആണ് പുറത്തായത്. സോണിയ ഗാന്ധിക്ക് മുഖ്യമന്ത്രി സിദ്ധരാമയ്യയെ പരിചയപ്പെടുത്തിയത് താനാണെന്നും താൻ സിദ്ധരാമയ്യ മുഖ്യമന്ത്രിയാകുന്നതിൽ പ്രധാന പങ്ക് വഹിച്ചുവെന്നും അദ്ദേഹത്തിന് ലോട്ടറിയടിച്ചെന്നും പാട്ടീൽ വീഡിയോയിൽ പറയുന്നുണ്ട്. ‘ഭാഗ്യ ലോട്ടറിയടിച്ച് സിദ്ധരാമയ്യ മുഖ്യമന്ത്രിയായി. അദ്ദേഹത്തിന് സോണിയ ഗാന്ധിയെ പരിചയപ്പെടുത്തിക്കൊടുത്തത് ഞാനാണ്. ഭാഗ്യമുണ്ടായിരുന്നു അദ്ദേഹത്തിന് അതുകൊണ്ടാണ് ഈ സ്ഥാനത്തെത്തിയത്. സിദ്ധരാമയ്യയുടെ വിജയം അനുകൂലമായ ഗ്രഹനില അനുസരിച്ചാണ്.

നവജാതശിശുവിനെ ബാഗൽകോട്ട് ജില്ലയിലെ വീരാപുർ പുനരധിവാസ കേന്ദ്രത്തിനു സമീപം സഞ്ചിയിലാക്കി ഉപേക്ഷിച്ചനിലയിൽ കണ്ടെത്തി. ആശുപ്രതിക്ക് സമീപം കിടന്ന ബാഗിൽ നിന്ന് കരച്ചിൽ കേട്ട് എത്തിയ പ്രദേശവാസികളാണ് ഏതാനും മണിക്കൂർ മാത്രം പ്രായമുള്ള കുഞ്ഞിനെ കണ്ടെത്തിയത്. പെൺകുഞ്ഞ് തുണിയിൽ പൊതിഞ്ഞ നിലയിൽ ശ്വസിക്കാൻ ബുദ്ധിമുട്ടുകയായിരുന്നു. സംഭവം നടന്നത് ബാഗൽകോട്ട് താലൂക്കിലെ കലദഗി പോലീസ് സ്റ്റേഷൻ പരിധിയിലാണ്. കുഞ്ഞിന് ആവശ്യമായ പരിചരണം പ്രദേശത്തെ സ്ത്രീകൾ ഓടിക്കൂടി നൽകി. നാട്ടുകാർ വിവരം നൽകിയതിനെ തുടർന്ന്

ചിന്നസ്വാമി സ്റ്റേഡിയത്തിൽ, ഐപിഎൽ വിജയാഘോഷത്തിനിടെയുണ്ടായ ദുരന്തത്തിൽ ഫ്രാഞ്ചൈസിയായ റോയൽ ചലഞ്ചേഴ്‌സ് ബെംഗളൂരുവിനെ കുറ്റപ്പെടുത്തി സെൻട്രൽ അഡ്മിനിസ്ട്രേറ്റീവ് ട്രിബ്യൂണൽ. വൻ ജനക്കൂട്ടം നഗരത്തിൽ തടിച്ചുകൂടിയതിന് പിന്നിൽ ആർസിബിയാണെന്ന് പ്രഥമദൃഷ്‌ട്യാ തന്നെ വ്യക്തമാണെന്ന് ട്രിബ്യൂണൽ നിരീക്ഷിച്ചു. ബെംഗളൂരു ചിന്നസ്വാമി സ്റ്റേഡിയത്തിൽ ജൂൺ നാലാം തീയതി വിരാട് കോലി ഉൾപ്പെടെയുള്ള താരങ്ങളെ കാത്തുനിന്ന ആരാധകർക്കിടയിലുണ്ടായ തിക്കിലുംതിരക്കിലും 11 പേർക്കാണ് ജീവൻ നഷ്ടമായത്. പ്രഥമദൃഷ്ട്യാ തന്നെ 5 ലക്ഷത്തോളം പേർ തടിച്ചുകൂടിയതിൻ്റെ ഉത്തരവാദിത്തം ആർസിബിക്കാണെന്ന് വ്യക്തമാണ്.