മം​ഗ​ളൂ​രു​വി​ൽ ഗു​ണ്ടാ​നേ​താ​വി​നെ വെ​ട്ടി​ക്കൊ​ന്ന​ത് ആ​റം​ഗ​സം​ഘം; മ​ല​യാ​ളി​ക​ളും ഉ​ൾ​പ്പെ​ട്ട​താ​യി സൂ​ച​ന

ക​ർ​ണാ​ട​ക – കേ​ര​ള അ​തി​ർ​ത്തി​ക്കു സ​മീ​പം ദേ​ശീ​യ​പാ​ത​യി​ലെ തൊ​ക്കോ​ട്ട് ഫ്ലൈ ​ഓ​വ​റി​ൽ​വ​ച്ച് ഗു​ണ്ടാ​നേ​താ​വി​നെ വെ​ട്ടി​ക്കൊ​ന്ന​ത് ആ​റം​ഗ സം​ഘമാണെന്ന് അന്വേഷണസംഘം. മം​ഗ​ളൂ​രു കു​ദ്രോ​ളി സ്വ​ദേ​ശി​യാ​യ ആ​രി​ഫ് ഹു​സൈ​ൻ എ​ന്ന ടാ​ബ്ല​റ്റ് ആ​രി​ഫ് (42) ആ​ണ് വെ​ള്ളി​യാ​ഴ്ച പു​ല​ർ​ച്ചെ ഫ്ലൈ​ഓ​വ​റി​നു മു​ക​ളി​ൽ വ​ച്ചു​ണ്ടാ​യ ഗു​ണ്ടാ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്.

കൊ​ല​യാ​ളി​സം​ഘ​മെ​ത്തി​യത് കേ​ര​ള ര​ജി​സ്ട്രേ​ഷ​നു​ള്ള കാ​റി​ലാണെന്നും മൂ​ന്നു​പേ​രെ തി​രി​ച്ച​റി​ഞ്ഞ​താ​യും അ​ന്വേ​ഷ​ണ​സം​ഘം അ​റി​യി​ച്ചു. കൊ​ല​യി​ൽ നേ​രി​ട്ടു പ​ങ്കെ​ടു​ത്ത​വ​ർ ബം​ഗ​ളൂ​രു​വി​ലേ​ക്കു ക​ട​ന്ന​താ​യാ​ണു സൂ​ച​ന. കൊ​ല​യാ​ളി​ക​ൾ സ​ഞ്ച​രി​ച്ച കേ​ര​ള ര​ജി​സ്ട്രേ​ഷ​നി​ലു​ള്ള ഇ​ന്നോ​വ കാ​ർ ക​ർ​ണാ​ട​ക​യി​ലെ വി​ട്ള​യ്ക്കു സ​മീ​പം ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ടെ​ത്തി. കാറി​ന്‍റെ ഉ​ട​മ മ​ല​യാ​ളി​യാ​ണെ​ന്നു തി​രി​ച്ച​റി​ഞ്ഞി​ട്ടു​ണ്ട്.

ആ​രി​ഫ് സ​ഞ്ച​രി​ച്ച ബൈ​ക്കി​ൽ കാ​റി​ടി​ച്ചു വീ​ഴ്ത്തി​യ​തി​നു ശേ​ഷം വെ​ട്ടി​ക്കൊ​ല​പ്പെ​ടു​ത്തു​ക​യാ​യി​രു​ന്നു. ആ​രി​ഫ് നി​ര​വ​ധി കേ​സു​ക​ളി​ൽ പ്ര​തി​യും മം​ഗ​ളൂ​രു പോ​ലീ​സി​ന്‍റെ ഗു​ണ്ടാ​പ്പ​ട്ടി​ക​യി​ൽ ഉ​ൾ​പ്പെ​ട്ടി​രു​ന്ന ആളായിരുന്നു. നാ​ലു​വ​ർ​ഷം മു​മ്പ് തൊ​പ്പി നൗ​ഫ​ൽ എ​ന്ന​യാ​ളി​ന്‍റെ നേ​തൃ​ത്വ​ത്തി​ലു​ള്ള സം​ഘം ന​ട​ത്തി​യ വ​ധ​ശ്ര​മ​ത്തി​ൽ​നി​ന്ന് ര​ക്ഷ​പ്പെ​ട്ടി​രു​ന്നു. ക​ഴി​ഞ്ഞ ന​വം​ബ​റി​ൽ തൊ​പ്പി നൗ​ഫ​ലി​നെ ഉ​പ്പ​ള റെ​യി​ൽ​വേ സ്റ്റേ​ഷ​നു സ​മീ​പം ട്രെ​യി​ൻ​ത​ട്ടി മ​രി​ച്ച നി​ല​യി​ൽ ക​ണ്ടെ​ത്തിയിരുന്നു. ഈ ​സം​ഭ​വ​വും കൊ​ല​പാ​ത​ക​മാ​ണെ​ന്ന സം​ശ​യ​മു​യ​ർ​ന്നി​രു​ന്നു. ഇ​തി​ന്‍റെ പ്ര​തി​കാ​ര​മാ​യാ​ണ് ആ​രി​ഫി​നു നേ​രെ ആ​ക്ര​മ​ണ​മു​ണ്ടാ​യ​തെ​ന്നാ​ണ് സം​ശ​യം.