പാലക്കാട് തൃത്താലയിൽ ഫോണ് വാങ്ങിവെച്ച് വഴക്ക് പറഞ്ഞതിൻ്റെ ദേഷ്യത്തില് അധ്യാപകന് എതിരെ കൊലവിളി നടത്തിയതില് മാനസാന്തരമുണ്ടെന്ന് പ്ലസ് വണ് വിദ്യാര്ത്ഥി പൊലീസിനോട് പറഞ്ഞു. ഫോണ് വാങ്ങിവെച്ച് വഴക്ക് പറഞ്ഞതിൻ്റെ ദേഷ്യത്തില് പറഞ്ഞുപോയതാണെന്നും പറഞ്ഞ കാര്യങ്ങളെല്ലാം പിന്വലിച്ച് മാപ്പ് പറയാന് തയ്യാറെന്നും വിദ്യാര്ത്ഥി പൊലീസിനോട് പറഞ്ഞു. കഴിഞ്ഞ വെള്ളിയാഴ്ചയാണ് സംഭവം നടന്നത്. തനിക്ക് ഈ സ്കൂളില് തന്നെ തുടര്ന്ന് പഠിക്കാന് അവസരം നല്കാന് വേണ്ടി ഇടപെടണമെന്നും പോലീസിനോട് വിദ്യാര്ത്ഥി പറഞ്ഞു. വിദ്യാര്ഥിക്കെതിരായ അധ്യാപകരുടെ പരാതിയില് പ്രഥമദൃഷ്ട്യാ കേസെടുക്കാനാകില്ലെന്ന് തൃത്താല സിഐ വ്യക്തമാക്കി. സ്കൂളില് മൊബൈല് കൊണ്ട് വരരുതെന്ന് കര്ശന നിര്ദേശം ഉണ്ടായിരുന്നു. ഇത് ലംഘിച്ച് മൊബൈലുമായി വന്ന വിദ്യാര്ത്ഥിയെ അധ്യാപകൻ പിടികൂടി. ഫോണ് പ്രധാന അധ്യാപകന്റെ കൈവശം ഏല്പ്പിച്ചു. ഇത് ചോദിക്കാൻ വേണ്ടിയാണ് വിദ്യാര്ത്ഥി പ്രധാന അധ്യാപകന്റെ മുറിയിൽ എത്തിയത്. ചോദ്യം ചെയ്തതോടെ വിദ്യാര്ത്ഥി അധ്യാപകരോട് കയര്ത്തു. ഈ മുറിക്ക് അകത്ത് തന്നെ മാനസികമായി പീഡിപ്പിച്ചു എന്ന് നാട്ടുകാരോട് മുഴുവൻ പറയുമെന്നായിരുന്നു ആദ്യം വിദ്യാര്ത്ഥിയുടെ ഭീഷണി. ദൃശ്യങ്ങൾ അടക്കം പ്രചരിപ്പിക്കുമെന്നും വിദ്യാര്ത്ഥി പറഞ്ഞു. ഇതുകൊണ്ടും അധ്യാപകൻ വഴങ്ങാതെ ഇരുന്നതോടെ പുറത്ത് ഇറങ്ങിയാല് കാണിച്ച് തരാമെന്നായിരുന്നു വിദ്യാര്ത്ഥിയുടെ ഭീഷണി. പുറത്ത് ഇറങ്ങിയാല് എന്താണ് ചെയ്യുകയെന്ന് അധ്യാപകൻ ചോദിച്ചതോടെ കൊന്നു കളയുമെന്നായിരുന്നു പ്ലസ് വണ് വിദ്യാര്ത്ഥിയുടെ ഭീഷണി.
Check latest article from this author !
വനിതാ സംവരണബിൽ ലോകസഭയിൽ പരാജയപ്പെട്ടു
April 17, 2026
