അഞ്ച് പതിറ്റാണ്ടോളം മലയാള സിനിമയിലെ നിറസാന്നിധ്യമായിരുന്ന നടനും സംവിധായകനും തിരക്കഥാകൃത്തുമായ ശ്രീനിവാസന് ഇനി ഓര്മ. 11.45ന് ഉദയംപേരൂര് കണ്ടനാട്ടെ വീട്ടുവളപ്പില് അദ്ദേഹത്തിൻ്റെ ഭൗതിക ശരീരം ഔദ്യോഗിക ബഹുമതികളോടെ സംസ്കരിച്ചു. മക്കളായ വിനീത് ശ്രീനിവാസനും ധ്യാൻ ശ്രീനിവാസനും ചിതയ്ക്കു തീ കൊളുത്തി. ശ്രീനിവാസനെ ഒരുനോക്ക് കാണാനായി ആയിരങ്ങളാണ് അവിടേയ്ക്ക് ഒഴുകിയെത്തിയത്.
നടന്മാരായ പൃഥ്വിരാജ്, വിനീത്, ജഗദീഷ്, സൂര്യ സംവിധായകന് ഫാസില്, രാജസേനന്, നടി പാര്വതി തിരുവോത്ത് തുടങ്ങിയവര് ശ്രീനിവാസന് ഇന്ന് അന്തിമോപചാരം അര്പ്പിച്ചു.
