ഇന്ത്യയ്ക്കും ചൈനയ്ക്കുമിടയിലുള്ള ബന്ധം സാധാരണ നിലയിലേക്ക്. വിമാന സര്വീസുകള് ഒക്ടോബര് അവസാനത്തോടെ പുനരാരംഭിക്കാന് കഴിയുമെന്ന് വിദേശകാര്യ മന്ത്രാലയം അറിയിച്ചു. വിമാന സര്വീസുകള് പുനരാരംഭിക്കുന്നതിനെക്കുറിച്ചും പുതുക്കിയ വ്യോമ സേവന കരാറിനെക്കുറിച്ചും ഈ വര്ഷം തുടക്കംമുതല് ഇരു രാജ്യങ്ങളുടെയും സിവില് ഏവിയേഷന് അധികാരികള് ചര്ച്ച നടത്തിയിരുന്നു.
ബെയ്ജിങ്, ഷാങ്ഹായ്, ഷെങ്ദു, ഗ്വാങ്ചൗ എന്നീ പ്രധാന വിമാനത്താവളങ്ങളിലേക്കാണ് നേരത്തേ സര്വീസുകളുണ്ടായിരുന്നത്.
ദോക് ലാം സംഘര്ഷത്തിന് പിന്നാലെയാണ് ഇരുരാജ്യങ്ങള്ക്കുമിടയിലെ വിമാന സര്വീസുകൾ നിലച്ചത്. കോവിഡിനു പിന്നാലെയുണ്ടായ ഗല്വാന് സംഘര്ഷത്തെ തുടര്ന്ന് ഇരുരാജ്യങ്ങളും തമ്മിലുള്ള അകല്ച്ച വര്ധിച്ചിരുന്നു.
