കോണ്ഫിഡന്റ് ഗ്രൂപ്പ് ചെയര്മാന് ഡോ. സി.ജെ. റോയിയുടെ പോസ്റ്റ്മോര്ട്ടം റിപ്പോര്ട്ട് പുറത്ത്. നെഞ്ചിന്റെ ഇടതുവശത്താണ് വെടിവച്ചത്. അഞ്ചാം വാരിയെല്ലിലൂടെ വെടിയുണ്ട ഹൃദയത്തിലേക്ക് തുളച്ചുകയറിയതായാണ് റിപ്പോർട്ടിലുള്ളത്. റോയിയുടെ മരണത്തില് വിശദമായ അന്വേഷണം ആവശ്യപ്പെട്ട് സഹോദരൻ സി.ജെ. ബാബു പോലീസില് പരാതി നല്കി. കേരളത്തില് നിന്നെത്തിയ ആദായ നികുതി വകുപ്പ് സംഘം കഴിഞ്ഞ മൂന്നു ദിവസമായി റോയിയുടെ ബംഗുളൂരു അശോക് നഗറിലെ ലാംഗ്ഫോര്ഡ് ടൗണിലുള്ള കോണ്ഫിഡന്റ് ഗ്രൂപ്പ് ഓഫീസില് റെയ്ഡ് നടത്തുകയാണ്.
കര്ണാടക പോലീസിന്റെ പ്രത്യേക സംഘം കുടുംബാംഗങ്ങളുടെ മൊഴിയെടുത്തു. റോയിയുടെ മരണത്തിന് ഉത്തരവാദി ആദായ നികുതി വകുപ്പ് ഉദ്യോഗസ്ഥരാണെന്നു തന്നെയാണ് കോണ്ഫിഡന്റ് ഗ്രൂപ്പിന്റെ ലീഗല് അഡൈ്വസര് പ്രകാശിന്റെയും ആരോപണം. ഐടി ഉദ്യോഗസ്ഥര് നിരന്തരമായി സമ്മർദം ചെലുത്തിയെന്ന് അദ്ദേഹം ആരോപിച്ചു.
