മാർച്ചിൽ 48 മണിക്കൂർ ബാങ്ക് പണിമുടക്ക്. ബാങ്ക് ജീവനക്കാരുടെയും ഓഫീസർമാരുടെയും സംയുക്ത വേദിയായ യുനൈറ്റഡ് ഫോറം ഓഫ് ബാങ്ക് യൂനിയൻസ് (യു.എഫ്.ബി.യു) മാർച്ച് 24, 25 തീയതികളിൽ രാജ്യവ്യാപകമായി പണിമുടക്കുന്നു.
ആഴ്ചയിൽ അഞ്ച് പ്രവൃത്തിദിനം നടപ്പാക്കുക, ജോലി സുരക്ഷിതത്വത്തിന് ഭീഷണിയും ഉഭയകക്ഷി ധാരണക്ക് വിരുദ്ധവുമായ ‘പെർഫോമൻസ് ലിങ്ക്ഡ് ഇൻസെൻ്റിവ് കേന്ദ്ര ധനമന്ത്രാലയം പിൻവലിക്കുക, എല്ലാ തസ്തികയിലും ആവശ്യത്തിന് നിയമനവും താൽക്കാലിക ജീവനക്കാരുടെ സ്ഥിരപ്പെടുത്തലും,
പൊതുമേഖല ബാങ്ക് ഡയറക്ട‌ർ ബോർഡുകളിൽ ഓഫീസർമാരുടെയും ജീവനക്കാരുടെയും ഒഴിവ് നികത്തുക, ഓഫീസർ മാർക്കും ജീവനക്കാർക്കും ആക്രമണങ്ങളിൽ നിന്ന് സുരക്ഷിതത്വം ഉറപ്പാക്കുക, ഐ.ഡി.ബി.ഐ ബാങ്കിൽ 51 ശതമാനം ഓഹരി കേന്ദ്ര സർക്കാർ നിലനിർത്തുക.
തുടങ്ങി വിവിധ ആവശ്യങ്ങൾ ഉന്നയിച്ചാണ് പണിമുടക്കുന്നത്. രണ്ടു ദിവസത്തെ പണിമുടക്ക് തിങ്കൾ, ചൊവ്വ ദിവസങ്ങളിൽ ആയതിനാൽ തൊട്ടു മുമ്പുള്ള രണ്ട് ദിവസം നാലാം ശനിയും ഞായറാഴ്‌ചയും ചേർത്ത് തുടർച്ചയായി നാല് ദിവസം ബാങ്കുകൾ പ്രവർത്തിക്കില്ല.
