സർഗ്ഗധാര സാഹിത്യപുരസ്കാരംവിഷ്ണുമംഗലം കുമാറിന്

സർഗ്ഗധാര സാഹിത്യപുരസ്കാരം പ്രശസ്ത എഴുത്തുകാരനും സാംസ്കാരിക പ്രവർത്തകനുമായ വിഷ്ണുമംഗലം കുമാറിന് സമ്മാനിക്കുന്നു. സെപ്റ്റംബർ 8 ഞായറാഴ്ച വൈകീട്ട് 3 മണിക്ക്, ജാലഹള്ളി ക്രോസിലുള്ള ദീപ്തിഹാളിൽ വച്ചാണ് പുരസ്‌കാരം സമ്മാനിക്കുക. ബാംഗളൂരിലെ സാമൂഹ്യ സാംസ്കാരിക രംഗത്തെ പ്രമുഖർ പങ്കെടുക്കും. മൂന്നരപതിറ്റാണ്ടായി, അർത്ഥപൂർണ്ണമായി തുടരുന്ന അക്ഷര സപര്യക്കാണ് ഈ ആദരം.
നാദാപുരം സ്വദേശിയായ വിഷ്ണുമംഗലം മംഗലം കുമാർ, മൂന്നുപതിറ്റാണ്ടിലേറെയായി ബംഗളുരുവിലെ ദാസറഹള്ളിയിൽ ആണ് സ്ഥിരതാമസം. കേരളശബ്ദം പ്രസിദ്ധീകരണങ്ങളുടെ ലേഖകനായി പ്രവർത്തിക്കുന്ന അദ്ദേഹം കേരളശബ്ദം, കുങ്കുമം, നാന, മഹിളാരത്നം, ജ്യോതിഷരത്നം എന്നിവയിൽ നിരവധി ലേഖനങ്ങളും റിപ്പോർട്ടുകളും പ്രസിദ്ധീകരിച്ചിട്ടുണ്ട്. ശിഷ്ടവൃത്താന്തം(ലേഖനങ്ങ
ൾ ), സ്‌ത്രീ തീ മെഴുകുതിരി(കഥകൾ ), കുറൂളി ചെക്വോൻ, കേരളസമാജം ഇന്നലെ ഇന്നു നാളെ ( പഠനങ്ങൾ ), വിസ്മയമീ ജീവിതങ്ങൾ (ജീവിതരേഖകൾ ), പത്രമെഴുത്താണിയുടെ ഹൃദയമിടിപ്പുകൾ(കുറിപ്പുകൾ), തിരഞ്ഞെടുത്ത ന്യൂസ് സ്റ്റോറികൾ, അഭിമുഖങ്ങൾ (ലേഖനസമാഹാരം), സ്നേഹസാന്ദ്രം രവിനിവേശം (നോവൽ), ജാതകത്താളിലെ ജീവിതമുദ്രകൾ(അനുഭവം, ഓർമ്മ) എന്നിങ്ങനെ ഒമ്പത് പുസ്‌തകങ്ങൾ പ്രസിദ്ധീകരിച്ചിട്ടുണ്ട്‌. സാമൂഹ്യപ്രവർത്തന രംഗത്തും സജീവം.പ്രമുഖ മലയാളി സംഘടനയായ ദീപ്തി വെൽഫെയർ അസോസിയേഷൻ്റെ സ്ഥാപകനാണ്. രജതജൂബിലി പിന്നിട്ട ദീപ്തിയുടെ പ്രസിഡണ്ടായി പലതവണ തിരഞ്ഞെടുക്കപ്പെട്ടിട്ടുണ്ട്. ബാംഗ്ലൂർ മലയാളി റൈറ്റേഴ്സ് ആൻഡ്‌ ആര്ടിസ്റ്റ്സ് ഫോറം ജനറൽ സെക്രട്ടറി, സർഗധാര സാംസ്‌കാരിക സമിതി പ്രസിഡണ്ട് തുടങ്ങിയ പദവികൾ വഹിച്ചിട്ടുണ്ട്‌. സ്നേഹസാന്ദ്രം രവിനിവേശം ആദ്യ നോവലാണ്. ബംഗളുരു നഗരപശ്ചാത്തിലത്തിൽ രചിച്ച ഈ നോവൽ മായ ബി നായർ കന്നഡയിലേക്കും കൊച്ചുനാരായണൻ ഇംഗ്ലീഷിലേക്കും വിവർത്തനം ചെയ്തിട്ടുണ്ട്.
സർഗ്ഗധാര നടത്തിയ ചെറുകഥ മത്സരവിജയികൾക്ക് സമ്മാനദാനം, കുട്ടികളുടെ കവിതാലാപനം എന്നിവയും ഉണ്ടായിരിക്കും.