കേരളസമാജം ദൂരവാണി നഗർ 2025 ഓണാഘോഷത്തോടനുബന്ധിച്ച് നടത്തിയ
കഥ കവിത മത്സര വിജയികളെ പ്രഖ്യാപിച്ചു.
ഡി.എസ് .മൈഥിലി( തിരുവനന്തപുരം) രചിച്ച എംബ്രോയ് ഡറി ഒന്നാം സമ്മാനം നേടി.
കെ.വി.ഷനീപ്( കണ്ണൂർ) എഴുതിയ കല്യാണസൗഗന്ധികം രണ്ടാം സമ്മാനവും കെ.ആർ.ഹരി ( കണ്ണൂർ) യുടെ” കലപ്പ കൊഴു കൊണ്ടുള്ള തിരുമുറിവ് എന്ന കഥ മൂന്നാം സമ്മാനവും നേടി.
കവിതാ മത്സരത്തിൽ എം.യു.ഹരിദാസ്( ആലുവ) എഴുതിയ കടലിൻ്റെ കാൽപന്തുകളി ഒന്നാം സമ്മാനവും
എസ് .അർച്ചന (പാലക്കാട് )യുടെ നവംബർ 23 രണ്ടാം സമ്മാനവും എസ് .ആർ .സി.നായർ (പത്തനംതിട്ട) രചിച്ച ചൂരൽമല മൂന്നാം സമ്മാനവും നേടി.
അഖിലേന്ത്യാതലത്തിൽ സംഘടിപ്പിച്ച കഥ കവിത മത്സരത്തിന് ഓരോ വിഭാഗത്തിലും ഒന്നാം സമ്മാനമായി 10,000 രൂപയും രണ്ടാം സമ്മാനമായി 7500 രൂപയും മൂന്നാം സമ്മാനമായി 5000 രൂപയുമാണ് വിജയികൾക്ക് നൽകുന്നത്. ബാംഗ്ലൂരിനു പുറമേ കാസർകോട് മുതൽ തിരുവനന്തപുരം വരെയുള്ള കേരളത്തിലെ എല്ലാ ജില്ലകളിൽ നിന്നും, കൂടാതെ ബോംബെ, ചെന്നൈ, മധ്യപ്രദേശിലെ സെഷോർ, ഓസ്ട്രേലിയ ഭൂഖണ്ഡത്തിലെ മെൽബോൺ തുടങ്ങിയ നഗരങ്ങളിൽ നിന്നുമായി 64 കഥകളും 52 കവിതകളും മത്സരത്തിനായി ലഭിച്ചിരുന്നതായി ഭാരവാഹികൾ അറിയിച്ചു.
