ഭൂട്ടാൻ വാഹനക്കടത്ത് അന്വേഷിക്കാൻ റോയൽ ഭൂട്ടാൻ കസ്റ്റംസ് സംഘം കേരളത്തിലേക്ക്. സംഘം അടുത്തയാഴ്‌ച കൊച്ചിയിലെത്തും. അനധികൃതമായി കടത്തിയ വാഹനങ്ങളുടെ വിവരങ്ങൾ കസ്റ്റംസിൽ നിന്ന് തേടും. റോയൽ ഭൂട്ടാൻ കസ്റ്റംസ് ഭൂട്ടാനിലെ മുൻ സൈനിക ഉദ്യോഗസ്ഥനെ ചോദ്യം ചെയ്‌തിരുന്നു. കൊച്ചിയിലെ കസ്റ്റംസിന് അന്വേഷണ വിവരങ്ങൾ കൈമാറും.
ഭൂട്ടാൻ ട്രാൻസ്പോർട് അതോറിറ്റിയും കസ്റ്റംസും നേരത്തെ ഇന്ത്യയിലേക്ക് നടന്ന വാഹനകടത്തിൽ പ്രതികരിച്ചിരുന്നു. ഇന്ത്യയിലേക്ക് എത്തിയ ലക്ഷ്വറി, എസ്‌ വി വാഹനങ്ങൾ അനധികൃതമായിട്ടാകാമെന്ന് ട്രാൻസ്പോർട് അതോറിറ്റി വ്യക്തമാക്കിയിട്ടുണ്ട്. അന്വേഷണം നടത്തുമെന്നും ഭൂട്ടാൻ കസ്റ്റംസ് അറിയിച്ചു.
ഇന്ത്യയിൽ ഭൂട്ടാനിലുള്ള വാഹനം ഉപയോഗിക്കുന്നതിന് നിയമ പ്രശ്ന‌ങ്ങളില്ല.
പക്ഷേ നടപടി ക്രമങ്ങൾ പാലിക്കണം. ഭൂട്ടാൻ പൗരൻ്റെ വാഹനം ഇന്ത്യയിൽ എത്തിക്കുന്നതിന് മുൻപ് ഭൂട്ടാൻ (ട്രാൻസ്പോർട്ട് അതോറിറ്റിയിൽ ഡി രജിസ്‌ട്രേഷൻ നടത്തണം. എൻഒസി അതിനുശേഷം നൽകും. ഇന്ത്യയിലേക്ക് വാഹനങ്ങൾ ഇതിൻ്റെ അടിസ്ഥാനത്തിൽ മാത്രമേ എത്തിക്കാൻ സാധിക്കൂ. എന്നാൽ ഇതുവരെ ഭൂട്ടാൻ ട്രാൻസ്പോർട്ട് അതോറിറ്റിയിൽ ലക്ഷ്വറി, എസ്‌യുവി, വാഹനങ്ങൾ ഡി രജിസർ ചെയ്‌തിട്ടില്ല എന്നാണ് കണ്ടെത്തൽ.
